憑《桃姐》提名男配角嘅Paul哥，雖然年屆65，但身體keep得唔錯，着上T恤牛記，望落都只係似50+，只係面口有啲燶啫。

早前秦沛（Paul哥）輸俾盧海鵬，落選金像獎「最佳男配角」，雖然佢好有風度話「從來冇諗過會贏」，但問心嗰句吖， 少少失落總會有啩！


早幾日媽咪姐途經土瓜灣撞到Paul哥，見佢鼓埋泡腮行雜貨店，唔知有咩事咁苦惱呢？不過佢真係堅，雖然經已65歲，但頭髮keep住染黑，再整件白T牛仔褲，頂盡都係似五十幾咋！
另一邊廂，佢愛女姜麗文同無綫藝員男友鄭俊弘正打得火熱。上周四（19日）晚上，媽咪姐喺土瓜灣木廠街間7仔撞到呢對小情侶。男嘅攞飲品，女嘅睇雪糕，快快趣埋單走人，然後向八度海逸酒店進發……嘩嘩嘩，莫非佢哋急住爆房？大家咪諗錯隔籬！原來Paul哥家下喺酒店住，兩口子趕去探佢老人家啫，認真有孝心。 ####


秦沛先到街市行番轉，不過睇唔上眼，轉而走去隔籬雜貨店。


冇獎攞，仲有我呢個乖女呀！（設計對白）
全城至乖就係你啦。（設計對白）
金像獎上，秦沛拖埋女兒姜麗文出席， 兩父女感情深厚。


姜麗文早幾日 偕男友到秦沛住嘅酒店附近買零食。買完，兩人即上酒店探老父。


唔係個個女生都外向㗎！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄