容祖兒被指係「盛女」代表之一，佢即時否認：我都多人追㗎，排到Z呀！係Zero個Z咋。講無用呀囡，有人追你要show俾大家睇先得㗎。 其後佢仲補充，指自己唔會嫁唔出，我樣又端正，性格又唔古怪，身材又弗，我唔擔心。祖兒除咗有以上優點，原來仲自信心爆棚。媽咪姐就放長雙眼等佢拍拖。


王馨平計劃搵舊愛鄭嘉穎幫手搞音樂會，被問到怕唔怕老父王羽唔高興？佢擺脫乖乖女形象表示：要管都俾老公管啦。女大女世界雖然係事實，不過王羽都係錫佢啫，兩父女一人少句囉。


謝賢任男性藥品代言人，其間佢仲炫耀自己基因優良好值錢，睇吓霆鋒同婷婷就知啦。喂喂喂，想一個人邀晒功吖？唔好唔記得仲有拉姑，冇雞點會有蛋呀？


內地盜版猖獗，早前導演馮小剛接受訪問時發洩不滿：雖然我們被盜版輪姦，但還是要殺出一條血路。嘩，大導用詞似乎激咗啲喎。盜版冇品係人都知，大導咪鬼同啲賊一般見識。 ####


 

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄