今日講嘅題目係chok，呀！唔係，係領袖。（設計對白）霆鋒同科大學生講：「要成為領袖，就要對自己誠實，了解乜嘢係自己最愛做嘅事。」都幾有point㗎！仲講得投入到甩埋鞋帶都唔理㖭。

劉愷威女友、國產紅花旦楊冪向來緋聞多多。日前佢被指同謝霆鋒喺內地拍劇集《消失的子彈》時，半夜摸上男方房，叩門示愛！但食咗個大檸檬。


雖然緋聞纏身，不過無損呢位失婚爸爸嘅心情。佢喺上星期，以自己製作公司「PO朝霆」CEO身份，出席科大商學院嘅講座，向一眾工商管理碩士（即MBA）學生演講。其實霆鋒都算威，短短幾年由藝人化身老闆，間公司仲準備上市，而細仔Quintus就係佢暫時「欽點」嘅接班人！偶像現身科大，令到學校範圍當晚四處逼爆，等住睇明星，可惜霆鋒最後行後門走人。有份聽講座嘅學生粉絲，紛紛上載偶像講talk時嘅chok樣。相中所見，差唔多秒秒keep住插袋嘅霆鋒，難得雙手並用解釋營商理念。不過，眼利嘅媽咪姐發現，chok爆嘅佢，居然甩咗鞋帶都唔知！真係認真講talk㗎。 ####


霆鋒盡得四哥真傳，雙手插袋係指定動作。插住上樓梯，no problem！回應楊冪叩門問題， 先抽番一隻手出嚟揮一揮，再否認傳聞，chok呀！


科大學生對霆鋒鬼咁熱情，遞紙仔攞簽名，又猛用iPhone「掃射」，搞咗好耐先俾偶像上車。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄