妖爆全場
事隔8年再開演唱會嘅達明一派，貫徹樂隊特色，造型鬼咁妖異，拍得住百變天后Lady Gaga。

相隔八年，達明一派終於合體開騷。幾乎去勻咁多場嘅媽咪姐，聽到舊歌〈石頭記〉同〈你還愛我嗎？〉，集體回憶即刻返晒嚟。


除咗好歌連場，演唱會仲有好多蝦碌，娛樂性十足。好似第一場咁，神神化化嘅劉以達爭啲爆粗，連佢自己都話：「要小心啲講嘢，爭啲爆咗出嚟！」點知臨散場，阿達介紹後面班樂手時，就忍唔住向台下觀眾講咗句：「×！你哋俾大聲啲掌聲啦！」認真臨尾香！
阿達爆粗，明哥仲激。以往性向成疑嘅佢，喺尾場大爆同志身份：「我從來冇隱瞞，我係同性戀者，我係gay佬，我鍾意男人！」古往今來，肯自認同志嘅藝人，真係五隻手指都數得晒。難怪明哥此話一出，全場萬幾個觀眾即刻起身拍爛手掌。敢作敢認先係真漢子。明哥，媽咪姐要俾個叻你呀！

星級觀眾捧場安仔熱情如火
台下觀眾粒粒巨星，大肚婆楊千嬅固然矚目，蔡一智太太周雪芳亦大受歡迎。原來蔡太已懷孕7個月，早幾日蔡一智喺微博宣布喜訊，獲一班朋友祝賀。其中許志安最肉緊，當晚一手捉住蔡太隻手，久久不放。喂喂喂，人哋老公喺隔籬咋喎。

陳淑莊狂影相
立法會議員陳淑莊同明哥相交多年。陳淑莊心情high爆隨歌起舞，仲狂影相，十足小粉絲咁。

基仔思縮拍拖
古巨基當晚一支公現身，媽咪姐好奇，平日如影隨形嘅緋聞女友Lorraine去咗邊？噢，原來坐咗喺後排。咁樣「分飛燕式」睇演唱會，為乜呢？學吓明哥啦！ ####


自摸自啜
明哥自爆同志身份，佢仲一人分飾兩角，喺短片內自摸自娛，意識幾大膽。


搞笑合照
臨散場，達明一派連同一班台前幕後於台上影相。劉以達就呢個時候唔覺意爆粗。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄