點chok都得！
短短一個下晝，「Chok王」林峯已經教曉媽咪姐，乜嘢係chok嘅真諦！就係隨意中帶啲刻意，再喺刻意中又加番啲得意。好深咩？學嘢喇！
其實林峯有無唔chok嘅時候呢？媽咪姐答你，係有嘅！就係忍唔住喺街邊胳肋底呢幾秒嘞。真心愛峯嘅，請剪存。
Ella話拍呢套劇成日要跑，搞到拉傷大髀。見佢俾林峯抱起嗰時，的確硬晒軚，但唔明點解佢隻右手死都要hold住，唔搭落林公子度囉！難道隻手都有事？
林峯亦自爆患上坐骨神經痛，又因為「追賊」太多，拉傷腳筋，一星期要睇兩次醫生。佢一抱起Ella，塊面同頸谷到仲紅過關二哥，心痛死啲師奶粉絲妹妹仔咯！
導演一嗌cut，Ella就彈離林峯9丈咁遠！寧願對住部唔識講嘢嘅車，同一班麻甩場務。又唔怪得佢嘅，大家記得嘛？林公子嘅老死係Ella嘅情史毒瘤——吳卓羲呀！
90°插袋即使面前只係一個ＢＢ女，林峯仍然要keep住雙手插袋。喂，你點知ＢＢ女第日會唔會變周秀娜㗎？廿年計劃呀。
45°合照最近鄭嘉穎加盟英皇，同林峯爭做「一哥」。林公子呢吓45度側頭，同fans冧笑影合照，鍾意黑面嘅鄭生輸你幾條街啦。
70°開餐食完「麥叔叔」個包，再去便利店買咗兜燒賣。林公子呢招70度輕倚車門篤篤吓，秒殺現場唔少妹妹仔啦！
鬼妹仔Ella大情大性，同鬼仔男友攬實行街，揸住支「彈弓」又玩得一餐！
全站熱搜
留言列表
{{ article.title }}
