衰嘢一波未平、一波又起嘅「吹水波」，就算「大師」翻生，都返魂無術。早排，更俾高層「數字小姐」開到口話 fade out佢咁滯。雖然「吹水波」已經去到山窮水盡地步，但大家唔好以為佢會洗心革面、重新做人。如果真係咁諗嘅話，就真係高估咗「吹水波」嘅人格嘞。
有二五向媽咪姐爆料，話佢有幾個老死早幾日去咗暹邏國玩，點知無意中睇到「吹水波」真人表演四仔冇格仔嘅「真人騷」㖭。咦，咁筍？「吹水波」轉咗行做 AV男優咩？
二五話咁佢就冇呢個本事嘞，只不過班 friend咁啱都係入住暹邏國嘅「季節酒店」有後門可以直達泳池嘅套房。嗰日班友仔游完水，諗住由後門入房，誰不知摸錯門口，竟然見到「吹水波」同個女人喺牀上大戰緊。班 friend仲話可能「吹水波」做得太戮力，俾人開咗門都唔知。唉，「吹水波」今時今日依然咁唔生性，睇怕佢真係「前途似咁」，玩完囉。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄