黃淑儀於《On Call 36小時》跟馬國明飾演母子而friend咗。早前一個活動上，黃淑儀因腳傷問題，獲馬明扶實，相當母慈子孝。
黃淑儀雖然係甘草演員咋，不過幾敬業樂業。早排忙完《On Call 36小時》，如今就趕拍無綫新劇《巴不得媽媽》。由於角色係賣潔具嘅，馬桶、浴缸少不免，其中一幕黃淑儀仲要一手舉起馬桶，成個大力女金剛咁。
不過媽咪姐就八到，黃淑儀有啲擔心托唔起個馬桶。事關佢左邊膝頭哥嘅半月板撕裂咗，早排做完手術，依家仲接受緊物理治療。坦白講，人老骨頭脆，呢啲粗重工夫，可免則免！ ####
全站熱搜
留言列表
{{ article.title }}
