2003年愚人節(4月1日)，哥哥張國榮離開了，像他一樣的巨星，在香港已買少見少，也難怪fans們至今仍對他念念不忘，每年風雨不改悼念他。
哥哥生前的圈中好友，每到愚人節都特別傷感，紛紛在微博公開掛念哥哥之情。阿Sa蔡卓妍與古巨基，也翻箱倒籠再post上舊合照，憶起當年情。
已經9年了，哥哥，誰能代替你地位？

阿Sa難忘賀年MV
Twins當年搵到哥哥幫手為賀年歌〈你最紅〉客串做男主角，阿Sa同阿嬌冧到挨實哥哥。事隔9年，阿Sa喺微博再post當年呢張合照，除咗憶起合作時嘅一點一滴外，阿Sa仲可以緬懷時光飛逝，睇吓當年Twins幾咁嫩口！

古巨基訪問巨星
古巨基由主持《娛樂新聞眼》到成為「最受歡迎男歌星」，經歷認真唔少。當年做個主持仔，有機會訪問哥哥，基仔開心到不得了。為咗悼念哥哥，基仔唔介意公開佢當年個冬菇頭薯嘜樣，呢個畫面真係好珍貴。

嘉玲感恩曾遇上
有fans上載劉嘉玲與哥哥當年拍電影《金枝玉葉》的海報上微博，牽起嘉玲對哥哥的懷念。想當年，嘉玲與哥哥拍過無數電影合演情侶，牀上戲、激吻，要幾激都有，兩人感情深厚。嘉玲亦表明心跡，要與哥哥在天國再見。

鄧萃雯受薰陶
照鄧萃雯喺微博中所講，如果冇哥哥，就冇今日嘅雯女。哥哥除咗影響雯女嘅娛樂事業，仲提高咗佢揀男人嘅標準。搵哥哥嚟做指標咁眼角高，難怪雯女到依家仲未搵到佢個Mr. Right啦！

Rick Chin未公開造型曝光
星級化妝師Rick Chin公開咗一張從未曝光的哥哥珍藏照片，佢幫哥哥化咗一個smokey eyes妝容，當年嚟講非常前衞。哥哥仲讚呢個造型只會出於Rick Chin手。哥哥呢個「碌」，真係又型又潮。

韓寒撰文悼偶像
內地爆紅小說家韓寒縱使與哥哥素未謀面，但他在微博撰寫了一篇文章悼念張國榮，細說哥哥這些年來對他的影響。

華倩坐大髀
與哥哥friend到可以攬實坐大髀的曾華倩，喺愚人節呢日亦post咗一張當年聚會嘅大合照，阿梅都在場。喺哥哥懷中嘅華倩，笑得好開懷，不過此情此景只可以靠翻睇合照回味。

王力宏叫uncle
曾在電影《煙飛煙滅》與哥哥做對手戲的王力宏，每次憶起哥哥都非常感觸。事關當年王力宏獨自來港拍戲，人生路不熟，他非常感謝哥哥的照顧。哥哥叫他做「Kid」，他稱呼對方「Uncle」，叔姪情非常深。

最正經典照
要數哥哥最經典嘅一張靚仔相，相信非《金枝玉葉》中嘅海報造型莫屬。唔少藝人喺微博悼念哥哥，都不約而同post咗呢張相，包括黃曉明、陳敏之同莊思敏。 ####


arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄