唔經唔覺，台灣天后蔡依林（Jolin）同混血model錦榮（Vivian Dawson）都拍咗成兩年拖咯！兩個人相差6歲，6呎2嘅男方，高過天后1呎有多，但感情嘢，無得計嘅。兩個人因拍MV撻着，後來俾人踢爆拍拖遊日本，仲俾Jolin粉絲鬧爆，話錦榮配唔起天后。不過，佢哋一於少理，日前女方仲首度喺微博公開關心男朋友仔「吃甚麼？」，sweet到呢！

 

食得又行得
Jolin鍾意食嘢同行夜市，錦榮就算要長期keep fit，都冒雨奉陪到底。蛋包飯嘅卡路里超晒標咩？聽日舉多10下8下鐵囉！ ####


25歲嘅新加坡、新西蘭混血兒錦榮，勇追31歲天后蔡依林，高矮差距大成咁都打得火熱。呢啲咪true love囉！


上年9月，錦榮去爬山，見到夕陽下嘅101美景，忍唔住影低，post上微博俾Jolin睇，引嚟千幾個評論，多數話佢「不配、憑甚麼」。但戀情發展至今，天后日前已經主動喺微博關心honey「吃甚麼？」（左圖）擺明愛死佢。


幾日後，Jolin嚟香港， post咗張靚靚蛋糕相上微博，錦榮亦第一時間公開問女友：「好吃嗎？」好寃氣！


打得錦榮日日去健身，操出43吋巨胸。得閒仲同房祖名去打籃球（機）㖭（右圖）！天后男人，睇得又打得。


忍得錦榮依家係台灣top model，但就算工作關係要同林依晨影合照，佢對手都插入褲袋唔亂放。鬼仔嚟㗎！算好忍得。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄