曹永廉大啖食，姜依蘭笑住睇，好溫馨呀！廉記近年經常剃頭拍古裝，播緊嗰套《盛世仁傑》都有佢份㗎。

香港實行室內禁煙以來，電影有《志明與春嬌》被迫圍住個垃圾桶，煲煙煲出真感情，而現實中嘅煙仔愛情故事，就有曹永廉同佢老婆姜依蘭。


早排媽咪姐撞到曹太入電視城陪老公食lunch，兩公婆填飽肚後，即拖到實出涼亭止煙癮，順便同班幕後吹吓水。見佢哋好有默契咁你吸氣時、我吹氣，結婚咁耐都仲咁sweet！不過，你話媽咪姐長氣都要講多句，「廉記」你有兩個囝囝，一個4歲一個得9個月，正所謂「仔細老婆嫩」，漫漫長路呀！兩公婆齊齊打去戒煙熱線啦。 ####


以46歲嚟講，廉記算keep得唔錯。如果戒埋煙，就仲fit啦！


睇曹太扯煙嘅手勢都好純熟，應該同「廉記」一樣，係長期煙民。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄