娛樂圈啲錢搵極都有，所以唔少宣布收山嘅藝人都姣婆守唔到寡，好似「掌門」最近都出番嚟唱。老實講，「掌門」嘅唱腔十年如一日，所以好多人對佢出山唔係咁睇好，但世事嘅嘢又真係估佢唔到，不單反應出乎意料咁好，連 job都多到接唔晒咁滯，惟有拿拿臨搵咗「聖母」幫手做住短期經理人。
話說「聖母」喺呢行出名靠黐，當年就俾佢黐到「大姐大」，撈到風生水起，開埋 Bar做事頭婆。依家嘅「聖母」冇錯起晒朵，但麻煩嘢亦愈嚟愈多，試過有幾間電視台透過「聖母」約「掌門」做專訪，佢嘅答覆就係「掌門」唔得閒，就咁拖吓拖吓，足足拖咗三個月都未見影，根本係佢自己懶，唔想跟多樣嘢所以推咗。咁仲唔止，「聖母」竟然夠膽狐假虎威，表面幫「掌門」名牌贊助，查實就攞咗啲衫同手袋自己用，真係影衰晒「掌門」嘅聲譽。
「掌門」揀男人同揀經理人都錯到咁離譜，睇嚟「掌門」對眼真係要搵林大眼科醫生 check吓囉。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄