媽咪，救命呀！﹙設計對白﹚
畢竟只有19歲，陳嘉桓一揸唔掂，就只識急停，仲嚇到成個彈起，頭髮都亂埋！

陳嘉桓（Rose）自去年11月，橫店消夜時俾陳浩民同馬德鐘呢兩個「大哥哥」借醉抽水後，經過4個幾月埋首工作，依家心情好番晒嘞。


日前，媽咪姐陪個女去沙田嘅香港駕駛學院報名學車，遠處就瞄到着住小背心、眼仔睩睩嘅Rose喺度學緊揸自動波私家車。媽咪姐見佢一上到車，同師傅傾吓偈，笑晒口，好似幾有自信咁！但一開車就……連續急停兩吓，頭都暈埋，跟住仲剷咗上草地、石壆。之後一個大轉彎，見Rose幾乎撞到路邊嘅雪糕筒㖭！蝦碌百出。
好在呢位教車師傅似乎身經百戰，見識過太多大頭蝦，見佢成日捉住Rose落車，好有耐性教睇位。知衰嘅Rose就嚇到花容失色，再唔敢輕舉妄動。之後媽咪姐打俾Rose八吓，佢都話：「嘩，睇人揸車好似好容易，原來做乘客同司機嘅睇位好唔同。我第一次揸，頭先真係驚，好彩師傅好好人咋。」咁靚女梗係着數啲嘅！ ####


教完又教
師傅好有心機，教一個鐘車，就落咗N次車教Rose睇位。


始終第一次揸車，Rose揸軚唔穩，成日剷上草地，好彩有驚無險。


終於學完第一堂，即刻買番支橙汁飲吓，定吓驚！唔怕，車嚟啫，唔係人狼。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄