胡楓（修哥）風騷一生，五個仔女，六個乖孫，仲有十三個不乏天王天后級嘅契仔契女，真係無邊個藝人嘅親情事業有佢咁得意！
寸爆張家輝
修哥好鍾意寸張家輝：「如果我笑你，我鬧你，你精精哋就灑脫啲，唔好出聲喇！呢度係我主場呀。」笑爆全場。估唔到修哥又幾鬼in喎！不過學張影帝話齋：「主場嗰個都輸咗啦！」
Leon病住唱
黎明與胡楓相識22載，呢晚原來Leon感冒在身，但仍硬撐赴約，仲攬實契爺唱埋〈情深說話未曾講〉同〈今夜你會不會來〉先走。
差啲落坑
修哥講嘢講到好興奮，差啲就跌落台上個窿度。好彩現場觀眾大嗌，佢先識收步，有驚無險！
林子祥vs二孫女
修哥話自己同二孫女都係林子祥粉絲，二孫女三歲時已識唱阿Lam首〈每一個晚上〉，有片為證（左圖）。今日孫女亭亭玉立，同偶像攜手高歌，係當晚感動位之一。
阿Lam同胡楓不斷想當年，修哥不改爆料本色：「你哋咪睇佢咁老實，查實好蠱惑，佢教我講嘢細聲啲，就可以同啲女仔親近啲，呢條橋我用到依家。」
笑完一輪，到林子祥（Lam）出場，係另一個高潮位！修哥同阿Lam講：「你真係我偶像，孫女細個時，我教佢唱你啲歌㗎，唔信？」熒幕隨即播出N年前剪Bob頭嘅胡楓，抱住二孫女大唱阿Lam名曲〈每一個晚上〉。
台下總動員
修哥婚姻幸福、兒孫滿堂係人都知，最難得係個個都咁乖咁孝順，老婆詠荷仲係修哥嘅初戀情人㖭！而張家輝同修哥嘅淵源，咪就由兩個人嘅老婆都叫詠荷開始囉。 ####
薛家燕同李香琴都係粵語片年代嘅人，同胡楓識於微時，點都要嚟撐老友。而修哥係TVB所剩無幾嘅鎮台之寶，樂易玲又點可以唔到呢？
食雪糕吖，我請！（設計對白）翌日就要去新加坡開騷嘅林憶蓮，當晚亦出動低胸小背心，帶住契爺唱〈夜來香〉，騷味十足。
叻哥陳百祥十分有心，呢晚佢唔得閒睇騷，但用真金白銀掃咗120張前排貴飛，送俾一班昔日《歡樂今宵》成員去捧場。最後一曲就係一班EYT舊老友上台唱〈友誼之光〉，緬懷一番。
留言列表
{{ article.title }}
