陳展鵬半裸狂奔失威阮兆祥細碼凸襲

上位小生陳展鵬日前與阮兆祥為新劇在後巷拍攝一場追逐戲份，兩人赤裸上身被黑幫追殺，期間不小心將毛巾扯甩，穿上超細碼泳褲的祥仔，激凸下體盡現，令本來騷健碩肌肉的展鵬被比下去。

祥仔笑言因導演要求才穿細碼泳褲，以免穿崩。

阮兆祥、陳展鵬和喬寶寶日前為主演新劇《Chok氣一族》到九龍城開工，劇情講述三人在桑拿室突然被黑幫追殺，於是只包上毛巾在後巷逃跑，期間展鵬和祥仔不小心飛甩毛巾，露出打底短褲，令原本身材fit爆的展鵬，卻被祥仔的「大鵰」搶盡風頭。

唔介意露股

不過展鵬未有介意，表示跟祥仔已是第二次合作，問到事前有否操弗，他說：「冇呀，本來都想做掌上壓，不過冇時間。（赤裸上身係咪極限？）唔係，如果遇到好劇本，都唔介意露股o架！不過電視尺度唔得，（想拍電影？）乜都想，總之睇劇情需要囉，不過好似柯震東咁喺戲內狂露就太多喇，我覺得要適可而止。」

陳展鵬第二次同祥仔合作，又表示遇到好劇本亦唔介意露股。

祥仔和陳展鵬拍攝被黑幫追殺的場面。

應導演要求

而祥仔現時保持一日只吃一餐澱粉質食物，提到他的泳褲好sexy，他笑說：「因為導演同我講驚穿崩，所以叫我搵啲細碼褲，（係咪真材實料？）吓，我唔明呢個四字詞語，唔係好識答，（好激凸？）總之佢叫我條褲要細條，但我最細條就係呢一條，所以咪着囉！（係咪第一次當街裸跑？）真係未試過，拍廠景就試過，所以初初知道拍街景都有擔心，叫導演唔好安排我哋喺大街大巷跑！」

小鵬露底不敵大鵰祥

阮兆祥日前與陳展鵬為新劇開工，到後巷拍攝一場赤裸上身的追逐戲。減肥成功的祥仔應導演要求穿上超細碼泳褲，頓時「大鵰」現形，令展鵬慘被比下去！

由阮兆祥、陳展鵬與田蕊妮等主演新劇《Chok氣一族》，尚有兩星期便拍畢。日前，祥仔、展鵬與喬寶寶等到九龍城一條後巷取景，眾人赤裸上身僅包毛巾，被扮演黑幫的臨記追殺。期間，展鵬與祥仔不小心飛甩毛巾露打底褲，穿上細碼泳褲的祥仔營造出下體激凸效果，睇到展鵬與劇組眼凸凸！

細碼泳褲晒堅料

問到祥仔曾否在街上赤裸演出，他說：「拍廠景就試過，所以初初知道拍街景都有擔心，叫導演唔好安排喺大街大巷跑！」提到泳褲勁Sexy，祥仔笑說：「因為導演同我講驚穿崩，所以叫我搵啲細碼褲。（係咪真材實料？）吓！我唔明呢個四字詞語，唔係好識答！（好激凸？）總之佢叫我條褲要細條，我最細條就係呢一條。」

第二次跟祥仔合作的展鵬，雖然打底褲不及對方獨「凸」，但上身肌肉則Fit過祥仔，更吸引女學生索簽名及合照。問到事前有否操弗，展鵬說：「冇呀！本來都想做掌上壓但冇時間。（赤裸上身係極限？）唔係！如果遇到好劇本，都唔介意露股，但電視尺度唔得。（想拍電影？）乜都想，總之睇劇情需要囉！不過好似柯震東咁喺戲內狂露就太多，要適可而止。」

專案組