周秀娜男友陳偉成（Avis）於《喜愛夜蒲2》，將會同模媽陳靜儀（Mia）連場肉搏。身為女友嘅娜姐自然打爛醋埕，嚴禁男友埋身一個月，掂過佢梗係唔好掂我啦。持平咁講，都係劇情需要啫。不過呷醋幾時都係女人最大權利，媽咪姐撐硬你呀娜姐。



娜姐㷫過火屎，但模媽Mia竟不避嫌大讚Avis身材好，嗰排腹肌好似朱古力雞蛋仔咁，好好味。未拍都已經流晒口水，使唔使咁餓呀？莫講話娜姐要小心，Avis都要做足安全措施呀。



微博以清理有害訊息為由，暫時停止評論功能，身為博友嘅王菲亦留言贊同：謠言止於不許評論。唉，係停止謠言定乘機河蟹先？不過經過上次舒淇網暴事件，清清佢都好嘅。



身懷六甲嘅郭羨妮，接受產檢時被醫生指胎兒有啲瘦，仲敦促佢食多啲營養奶粉，點知郭羨妮竟然話：咁我又想BB苗條，又接受唔到自己肥。吓，BB都要苗條？咁使唔使36D呀？快啲養好個胎仲好啦。


莫可欣早前帶埋囡囡出席活動，被問到會否追多個？佢自言年紀大生仔唔容易，老公都話生瘡就OK。咁又係呀，生完又要養，至少粒瘡唔使。 ####

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄