徇眾要求，王馨平、余文樂同彭浩翔齊齊再做MV入面個招牌蝴蝶手勢。講真，呢個動作同歌詞真係唔太關事。但就係咁，所以好笑囉！

眼見好多人睇完《春嬌與志明》都讚，媽咪姐上個禮拜就捉咗幾位姊妹入戲院潮拜啦！講真一句，對於楊千嬅同余文樂喺戲中因為小問題話分手就分手，真係冇乜共鳴。


不過去到片尾，一向懶型嘅余文樂竟然豁出去，逐格複製王馨平（Linda）〈別問我是誰〉嘅MV，媽咪姐真係由心而發，笑咗出嚟！就係余文樂咁扮一扮，搞到已經貴為人妻，唔使做嘅Linda突然翻hit。有份為《春》片客串嘅王馨平，周一（2日）晚喺慶功宴上拍住余文樂同導演彭浩翔齊齊重演MV經典一幕，笑爆全場。事後佢仲同媽咪姐講：「人生真係好奇妙，我冇諗過出嚟嘅效果咁好笑，反應咁好。我唔覺得余文樂醜化我！睇吓導演咁認真去做番個場景，就知成件事都好認真。」

逐格複製
為咗學到形神俱似，無論髮型、衣着、動作同眼神，余文樂都抄足王馨平。其實當時〈別問我是誰〉MV嘅內容着實唔關歌詞事，王亦笑住話：「嗰個年代啲拍攝手法係咁！」

辣埋特首
〈別問我是誰〉家陣喺網上勁hit，一眾網友已經將佢推向政治層面，將梁振英個頭key落王馨平度，寫上「別問我是共產黨」。 ####


嘩！靚過我喎！（設計對白）
現場反應熱烈，即使佗住七個月B仔嘅千嬅，都忍唔住要企起身睇埋一份。


扮cute


扭辮


招牌手



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄