娛樂八掛大放送★

今屆港姐被指造馬，嫌疑之一嘅莊思明自言賽果公平，指家姐莊思敏冇咁大能力改變賽果，
佢唔係曾蔭權。
係曾蔭權又點？佢都冇能力改變啲咩，睇吓香港咩環境都知啦。

周秀娜懶理禁令硬闖動漫節，更表示唔怕其他o靚模藉機攻擊，指自己唔鍾意抽水，
抽我脂都唔好。
至弊你想獨善其身，人哋未必肯呢。唔抽你水邊有報見吖？

楊千嬅日前出席演唱會宣傳活動，一身deep V被懷疑真空上陣，但佢否認：
你知我係男人咁。
唔好咁講，平胸都有捧場客。丁子高咪就係囉。

祖兒近日為個唱準備，希望減肥10磅，
最好變人乾就啱喇。
再瘦就冇肉喇喎。家吓人哋去演唱會係聽你唱歌，唔係睇人乾。

新人JW終於現身，不過身為老闆嘅黎明對其角逐新人獎一事語帶保留，認為JW應專心讀書。
新人獎幫唔到佢「娶」個好老公。
咁梗係幫唔到啦，人哋女仔係「嫁」個好老公o架嘛，佢唔通以為自己係「嫁」咗俾樂基兒？

動漫節開鑼，但黎耀祥透露囝囝對動漫、o靚模冇興趣，
似我夠超凡脫俗。
但千祈唔好似老竇咁厚面皮喎。