女人最痛有好多種，不過女人想得到嘅幸福，應該非嫁得好莫屬。啱啱先話同老公楊長智喺法國度完蜜月，可惜造人唔成功嘅關心妍（Jade），上周五（7月30日）就喺尖沙嘴The One一間日本餐廳慶祝佢31歲生日。雖然已為人妻，不過當晚Jade都玩得幾放，戴住皇冠滿場飛外，又不停捉住啲賓客飲酒，香檳、紅酒同日本清酒樣樣照灌，大大話話開咗成四、五箱酒，單係酒水已近5萬，加埋場租食物，十萬埋單肯定走唔甩，認真豪氣。Jade老公仲喺一個星期之前訂造個色士風生日蛋糕，可能場內氣氛熱鬧，蛋糕融到跌晒落地。不過楊生亦早有準備，馬上推咗個擺得入口嘅蛋糕出嚟，楊太自然可以放心許個靚願。

 


楊長智一早訂造呢個色士風生日蛋糕o氹老婆開心，Jade果然冧到爆。可惜個蛋糕唔襟擺，最後融晒。


好在楊長智一早預備多一個蛋糕，Jade戴埋頂皇冠，吹蠟燭前狂咀老公。


當晚紅酒、香檳、清酒喺咁開，真係不醉無歸。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄