受腳傷影響嘅碧咸冇緣打世界盃，近日仲有傳聞話佢被AC米蘭新教練嫌棄，未必有機會返AC米蘭踢波。
傳聞滿天飛，不過冇影響碧咸嘅心情。上周六（7月31日），碧咸帶埋3個囝囝去英國睇波，當日賽事係AC米蘭對阿仙奴，4仔爺睇到鬼咁投入，又舉手又狂呼，碧咸仲大晒父愛，不時跟囝囝攬攬錫錫，有仔果然萬事足。

 


貴賓席所有人都冇乜表情，但碧咸幾父子超high，舉手玩人浪。


碧咸一支公湊仔，但雙眼難以看實3條化骨龍。細仔更一度曳曳，遭碧咸指住警告。


據講二仔Romeo最得老竇踢波天份，喺賽事中途，碧咸更忍唔住啜爆二仔，sweet到呢。


碧咸近排專心養傷，攞正牌做住家男人。除咗湊仔，喺上周三（7月28日），就陪太座維多莉亞出席友人生日party。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄