黎明自從做咗老闆後，捧過唔少新人，最叻係捧紅咗衛蘭，近年就捧緊李治廷同「模Art」 Janice Man。不過媽咪姐諗深一屠，其實黎生都唔算幫到新人咩大忙，皆因隻隻碟嘅形象都搞到人鬼五馬六。之前衛蘭同李治廷隻碟嘅形象已經俾網友鬧爆，今年新人JW（Joey Wong）隻碟同樣玩嘢，紅黑做主色，加埋娘味極濃嘅設計，話晒第一隻ep，聲勢真係好緊要，可惜網友大多認為勁似鬼片poster！
不過JW又唔使太過擔心嘅，真係有實力嘅，寧願靠自己多啲，少啲包裝fans一樣buy嘅！


不單隻新EP封面俾人插到爆，24號JW喺「雙J」迷你騷現身，一頭鬈髮，再加桃紅色10呎長禮服，驟眼睇，以為係徐小鳳㖭。唉，明明90後，無端變咗40後，真係愛佢變成害佢。


無可否認，黎明捧新人的確有一手，JW隻碟已賣過三萬。可惜打造新人形象方面，完全可以用「慘不忍睹」嚟形容。大家睇吓十幾歲女嘅JW（左）呢身打扮，簡直老積咗十幾年呀！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄