Chrissie今季玩 kawaii，由一把又長又曲的頭髮變成 bob頭，唯一冇變嘅係內衣同上季一樣咁 sexy，迫爆窒息胸。
震散晒
停攻日半年　 Chrissie震前剝盡
2011年04月20日
咪神周秀娜（ Chrissie）上年以「窒息胸」胸降日本，孖住日本性感女神藤井 Lena為內衣品牌 Embuche擔任 catalogue model。攻日成功， Chrissie食過翻尋味，「 311」地震前更踢走藤井 Lena，坐正該品牌 model一姐，繼續谷盡「窒息胸」，示範新一季內衣。不過地震後， Chrissie於日本的工作即刻叫停，所以今次可能係 Chrissie最後一次益 o架仔喎。
日本 o靚模一姐藤井 Lena因為要專心發展歌唱事業，所以佢上季幫 Embuche影完 catalogue就宣布唔玩，益咗 Chrissie擔正大旗影 catalogue封面。


2011年
今次擔正成功坐正做唯一的 catalogue model，品牌 Embuche重金搵嚟幫濱崎步做造型嘅團隊嚟負責 Chrissie形象，唔怪得 Chrissie成個樣唔同晒啦。
 
2010年
上季孖住藤井 Lena影 catalogue，封面都淨係得 Lena一個， Chrissie只分得做內頁 model，今次明顯升晒呢。
 
藤井 Lena
 
Angelababy同諸葛梓岐都行過嘅「 Tokyo Girls Collection」，去到今年 3月剩低 Chrissie一個去東京代代木谷行窒息咪繼續行，喺後台更遇上潮攝影師米原康正。雖然酬勞唔多，但勝在喺日本可以響吓朵。網上圖片

齊蔭谷咪咪
話晒自己孭飛，擔正大旗嘅娜姐真係谷胸谷到盡， 16個造型內衣件件都將 Chrissie 32D巨胸迫到幾乎跌出嚟。而且今次仲玩可愛復古 look， Chrissie戴上齊蔭假髮，跟 Chrissie平時野性曲髮有好大分別。 Chrissie話：「搵濱崎步嘅造型師嚟負責今次嘅造型，我影完都好滿意，下季 catalogue亦已經影好，都係由我一個人孭飛。」
唔敢返日本
提起再到日本工作， Chrissie亦話受地震影響，短期內都唔敢再去，經理人公司 Karuna Rock亦冇催促 Chrissie，「好彩幫呢個品牌影嘅相，一早喺地震海嘯前已經全部拍好晒，仲有一輯都已經 ready下季出。原本之前 4、 5月接咗嘅 job及廣告，為安全起見全部都推遲咗。地震後一直都同日本嗰邊個經理人及客戶 keep住聯絡，我諗最快都要等到 10月先再決定去唔去日本，況且我呢半年都忙緊拍戲，同范逸臣有部戲《夜店詭談》上畫要忙宣傳，遲啲又有新戲要準備，所以呢半年都會忙拍戲為主，日本方面嘅事都係過一排穩定先再決定。」


Chrissie喺「地震前」飛日本，一口氣拍咗品牌今季及秋季造型，今季先推出 16套內衣，全部真空上陣冇打底，佢仲話好鍾意呢個品牌嘅內衣，影完好想擸埋走。


賑災寫真
早前 Chrissie率領一眾師妹推出《 Pray for Japan》慈善電子寫真籌款，於整個 4月內，扣除部分行政費後，全數捐贈慈善機構賑濟日本地震災民之用。網上圖片
 
球星狂
Chrissie出名好波，連世界級球星都俾佢吸引住，繼早前同英格蘭和曼聯雙料隊長里奧費迪南傳緋聞外，上週六（ 16日）出席足球活動時，亦吸引兩大球星前車路士球員蘇拿（左一）及前尼日利亞罰球高手奧高查（左二）狂。
 
挑逗里奧
活動完咗 Chrissie喺微博上載該活動嘅相，仲同佢喺網上識嘅曼聯球星里奧費迪南講話會幫佢 keep住個獎盃先，擺明挑逗對方喎。

港模斷米
近年唔少港模同內地模攻日，發展唔錯，不過自從發生 311日本大地震後，擔心命仔受威脅，就連工作亦陷入停頓，攻日唔再馨香。

Angelababy驚到走頭
呢兩年集中火力搵「人仔」多過飛日本嘅 Angelababy，地震時咁啱喺東京拍廣告，佢話驚到唔願再飛去日本工作，「冇辦法啦，由於已經簽咗約，一定要履行合約，所以遲啲要再過去，希望到時地震嘅影響少啲啦。」 


諸葛梓岐停工等嫁
原本由 3月底開始至年底便飛日本為亞視主持旅遊節目，但受「 311」影響，飛日計劃即時取消，而原本日本環球唱片打算替諸葛出唱片亦冇下文。諸葛索性叠埋心水，出年嫁入豪門好過。


網上圖片

Cica工作押後
憑住 34E大咪身材攻陷日本的內地模 Cica（周韋彤）話地震後所有新工作都被迫押後，不過她仍然要到日本為跟藤原紀香為 NHK電視台主持的《看電影學中文》節目錄影。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄