蔡楓華又發「瘋」！全靠老友盧敏儀同老公孫敬安合作出錢出力幫手，蔡楓華終於日前成功連開三場演唱會，點知蔡楓華即時被「一剎那光輝」蒙蔽，於演唱會 尾場許下直踩紅館誓言，仲被指向孫敬安兩公婆詐型兼想起飛腳；錢銀轇轕事小，寡情薄義先令人痛心，令一向仆心仆命為老婆個老友賣命的孫敬安，大叫頂唔順，仲呻句為了蔡楓華差搞到家變！

蔡楓華（Ken）於Star Hall開完一連3場演唱會，於尾場當晚更獲唔少圈中人捧場，搞到Ken信心爆晒棚，真係以為自己已躋身於天王之列，完全忘記了自己於尾場時又甩嘴又唱錯歌詞之失準表現。而Ken最令盧敏儀傷心的，竟然在台上暗串盧敏儀，指當日「一剎那光輝」事件，全因盧敏儀忽然插把嘴，以致自己沒有把原意一一道出，才搞到慘被誤解串張國榮，無端端衰足咁多年。盧敏儀當時在台上聞言後即時面色一沉，更冇好氣向Ken說，姑勿論日後是否仍能合作，但願Ken可以唱好歌。

—但求止蝕—

Ken更在台上誇下海口，下次再開個唱，如果唔係紅館，俾幾多千萬、億萬都唔唱，咆哮「不入紅館誓不為人！」又話如果冇人投資，叫Fans每人夾一萬蚊佢去一圓紅館夢，真係識計數。

而事實上，今次Ken能夠再踏上舞台，全靠老友敏儀同老公孫敬安鼎力支持，出錢又出力，據一工作人員透露，孫敬安今次出手，全因老婆重情重義，想幫Ken翻身，「根本由頭到尾，孫敬安就冇諗過今次開演唱會可以賺到錢，又冇贊助商，輸少都已經當贏，所以宣傳上佢兩公婆都好盡力，除希望唔會蝕之外，其實亦只係一心想令Ken重獲信心。試問演唱會空凳多過乜，仲點會有信心唱落去？」

image
image

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄