號稱全球首部立體情慾電影《 3D肉蒲團之極樂寶鑑》，未開拍已經話題十足，電影公司搵來日本專業 AV女優原紗央莉同周防雪子參演，先令一眾宅男精神為之一振，然後再跑出個自稱曾和唐季禮導演一晚搞三次嘅藍燕。反而唯一一個本地女角雷凱欣（ Vonnie），近日才憑 36F豪乳彈出，成為宅男新寵。
不過，本刊記者翻看她 05年影的照片，發現她的五宮、面形與現在截然不同，明顯經過加工。上周四（ 24日）她接受本刊訪問時冇有怕，拿起舊照一一回應：「睇番以前啲相，我塊面真係好包好肥，同依家比真係差好遠。其實我細個食極唔肥，到咗青春期身形就開始暴脹，人肥個胸自然一齊肥，到依家瘦身成功，但個胸冇瘦過囉！」
老闆贊助整容
雷凱欣看見自己以前個包樣都慘不忍睹，直認整容：「老闆蕭定一上年 8月開戲前，就贊助我打過 Botox瘦面，又喺鼻樑打透明質酸。打完塊面真係瘦咗，鼻亦高咗，成個輪廓唔同晒。不過到依家效力都過得七七八八，我想再打，不過要自己俾錢我又唔捨得，冇理由叫阿一再贊助我啩。」
至於她引以為榮的 36F豪乳，她強調是純天然無添加，仲即場教記者點分辨假波同天然波，「用手摸係最直接分辨嘅方法，但如果摸唔到，就要靠肉眼睇胸形。胸部大部分係脂肪，如果瞓喺度，將個胸推上心口時，胸上方係有條好硬好明顯嘅邊，咁呢個十成十係假波。」
記者追問雷凱欣知唔知圈中女星邊個打假波，佢諗都唔使諗就攞起以林峯前女友潘霜霜做封面的雜誌說：「假波咪好似佢咁有條硬邊囉！」然後又爆：「等《 3D肉蒲團》上畫你就知仲有邊個。（邊個？）咪係藍燕囉。戲入面個個都唔着衫，到時觀眾留意吓就睇到。」記者事後致電藍燕內地經理人，她竟表示：「我嫌藍燕個胸唔夠大，仲想搵美容院贊助佢隆胸㖭。」至於潘霜霜則未有回覆。
大讚日本 AV女專業
《 3D肉蒲團之極樂寶鑑》原著為 1991年由吳啟華、葉子媚等主演嘅《玉蒲團之偷情寶鑑》。 2011年新版本將會由葉山豪、藍燕、日本 AV女優原紗央莉同周防雪子等主演。面對兩位專業女優，雷凱欣坦言未開拍先緊張，「未開拍前我已經上網睇過晒兩位女優嘅作品，佢哋真係好專業，雖然佢哋身材唔係特別突出，不過佢哋嘅肢體動作同表情都好誘惑，連我係女人都俾佢哋吸引到。」
留言列表
{{ article.title }}
