上星期有雜誌爆某富商打女人，媽咪姐即刻諗起「富二代」。呢個「富二代」恃住自己家族有錢又有面，專溝電視姐仔同 o靚模，所以同佢拍過拖嘅姐仔或 o靚模，真係十隻手指加腳趾都數唔晒。當中好多同佢有過一手嘅，開始時都以為自己釣到金龜，查實係噩夢嘅開始就真。點解咁講？原來「富二代」都有鋪打女癮。
話說有個選美出身嘅「索女」，幾年前就同「富二代」拍過拖，而且仲喺半山同居㖭。起初「索女」以為自己時來運到，執到支好籌，誰不知「富二代」好似有躁狂症咁，丁咁小事都會發癲，有時仲會出手打「索女」。咁都未算，冇耐仲將「索女」飛埋。人財兩失嘅「索女」忍唔住向「富二代」啲朋友哭訴，同佢玩開嗰啲紈袴子弟先知「富二代」嘅冇品行徑。
臭屎點冚得住，自「索女」被打傳開之後，模界又傳出 o靚模 A都做過「富二代」嘅沙包。
剛啱黐埋「富二代」嘅電視台姐仔，媽咪姐祝佢好運囉。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄