唔會再有我影子存在！真實對白
去年 10月 10日，正式啟播只得 20日的 DBC被迫結束，稱被政治打壓的鄭經翰關燈離開 DBC時死撐：「好似一種解脫咁。」但事隔幾個月依然覺得好痛心。《蘋果日報》圖片
真面目
變聲電台 大班變顧問：好痛心
由大班鄭經翰創立的 DBC數碼電台，經過一輪股東角力之後，終於可以在本月 28日復播，之前大班日日插政府，新台長麥潤壽講明新節目唔一定會鬧政府，論政節目更要減至每日得 3小時，呢支政府眼中釘終於拔得走。
而前台長鄭經翰賣股後變顧問冇得開咪，週一（ 14日）回應本刊時仍未甘心：「直頭好痛心啦！ DBC唔會再有我 嘅影子存在！」親生仔變晒樣，心痛可以理解！
DBC曾被大班質疑受股東黃楚標（左）政治打壓而倒閉，新任台長麥潤壽（右）則說復播冇政治壓力：「完全冇，應該做持平 嘅節目，畀市民發聲。」
論政唔一定要鬧！真實對白
DBC主力娛樂
DBC復播，據知有八成主持會歸位，除咗原班人馬以娛樂主導外，新加的吳綺莉只會講女性話題，新 DBC想有火都幾難。
盧覓雪
主持咩節目我都未知，總之酬勞少過以前我係唔會做，𠵱家傾得七七八八喇。
莊思敏
我會拍番思浩做《大家真風騷》，節目形式唔會點變，應該好似以前咁受歡迎 嘅！
梁思浩同陳彥行亦已鐵定回歸，而江美儀早前稱在 DBC兩月收入有成 6位數，能夠回巢賺錢好開心。
數碼電台（ DBC）因黃楚標以 1.6億回購股份得以復播，不過一手創辦 DBC的鄭大班則冇得開咪，只能以顧問身份協助復播，他亦已另辦 D100網上電台，拉走一班敢言鬧政府的拍檔如林旭華、鄭家富等另起爐灶，義播 90日後，正式再「開台」。
「唔一定要鬧！」
早前 DBC爭拗事件，大批市民在政總門外集會撐數碼廣播復播，鄭經翰等更即場開咪做廣播。
聽眾關心 DBC會否繼續鬧政府，新台長麥潤壽回應：「唔一定要大班咁，論政唔一定係鬧，要平衡！以前大班一至六做足梗係冇問題，復台後只會下晝五至八點維持論政節目。」而主持人則有待公布，似乎「自我河蟹」難免。
眼見 DBC收口，一手湊大的鄭經翰週一（ 14日）回應時話預 咗：「所有論政節目都唔存在喇，變 咗娛樂性質 嘅電台，唔只失望，直頭好痛心啦！我諗 DBC係『去大班化』，唔會再有我 嘅影子存在！用 咗 4年心血，任何 嘢都補償唔到。」
D100轉陣開火
鄭大班上月轉陣「 D100義播雲天九十日」行動，藉此打開網台市場，邀請多名舊 DBC主持梁繼璋、李麗蕊、陳海琪等主持吃喝玩樂節目，梁繼璋亦交心話：「唔會轉番去 DBC喇！」林旭華、鄭家富、吳志森和大班則繼續《風波裏的茶杯》和《十級自由 Phone》，用聲音監察政府。
梁繼璋
就算有好大嚿錢都唔走啦，唔想轉嚟轉去！真實對白
李麗蕊
留言列表
{{ article.title }}
