張晉 喺戲中飾演馬三，奸到出汁殺師傅，仲做埋漢奸。同章子怡 喺火車站對決相當搶鏡，起碼由細打到大嘅佢打得實淨過偉仔啦！
真面目
奸出頭 《一代宗師》最搶奸角 蔡少芬老公霉足 13年彈起
由構思到拍攝足足 17年 嘅《一代宗師》，上週四（ 10日）終於在香港上映（截至週一（ 14日）香港 800萬票房，國內 1.8億），偉仔、章子怡搶鏡係意料中事。但成套戲最大亮點，竟然係飾演大奸角的蔡小芬老公張晉，片尾與章子怡於火車站對打一幕更成全片高潮。拍開內地電視劇、未拍過大片的張晉，原來 13年前於《臥虎藏龍》做過章子怡、楊紫瓊替身。
今次難得被王家 衞睇中，戲分僅次於兩位主角。終於苦盡甘來叻過老婆，連張晉接受訪問時都話嚇了一跳，「太太（蔡少芬）從沒瞧不起我……我原本想能有一個畫面已經很知足了，沒想到戲分那麼重！」真係多謝王家衞都嚟唔切。
大肚撐場
外間一直覺得張晉唔夠老婆蔡少芬紅，不過今次張晉 喺《一代宗師》彈起，終於威番次。上週二（ 8日）有咗第 2胎 嘅蔡少芬更同張晉一齊出席香港首映禮。
今年 38歲的張晉， 00年由武師轉型為演員，雖然拿過全國武術冠軍，練就一身好本領，不過演藝事業一直冇大突破。直到 03年拍《水月洞天》，當時蔡少芬是劇中第一女主角，而張晉只是配角。但日久生情之後拍拖，令張晉知名度大增。二人拍拖 5年後結婚，老婆繼續紅，蔡少芬前年拍《甄嬛傳》更紅爆全國，張晉仲爭一個機會。
𨋢口試鏡
老婆蔡少芬一直紅過張晉，所以即使張晉有份演出《一代宗師》都一直冇乜人提，直至上週於內地及香港公映。於戲中飾演大奸角馬三的張晉，極為搶鏡，唔只打戲出色，更連文戲亦受讚賞。
張晉今次有幸得到王家衞寵幸，原來係恩師袁和平搭路。據知，「袁家班」出身的張晉，於 09年由袁介紹認識王家衞。當時王家衞問張晉識唔識八卦掌，張晉即時於𨋢口表演給王導欣賞， cool爆的王導當時並冇任何表示只點了點頭，一星期後，張晉獲通知去內地東北拍攝《一代宗師》。
13年後張晉唔使再做章子怡替身，仲 喺《一代宗師》入面同章 喺火車站對打。
張晉唔只打得，文戲亦演得出色。尾段被章子怡擊敗一幕，亦有唔少網民讚賞。
張晉除 咗做演員，更亦擔任武術指導，所以 38歲 嘅佢依然 keep到鋼條身形， 8嚿腹肌盡現。
打完交唱歌
’03撻着
00年張晉轉型做演員，但未有代表作。最成功係 03年拍《水月洞天》撻着蔡少芬； 04年二人再 喺《上海灘之俠醫傳奇》（左圖）合作。
被王家衞揀中後，張晉留在東北拍了兩個多月，他早前接受訪問，便說壓力很大，尤其是最後一幕跟章子怡在火車站的對打場面。「那副墨鏡後（指王家衞）的眼睛是非常厲害。他要求不光是從動作上表現這個人物，臉部的表演也要融入這個角色。」張晉更說沒想到自己戲分會是第三多，「我原本想能有一個畫面已經很知足了，沒想到戲分那麼重，當得到的東西超出自己所想像的，會高興成什麼樣子……。」
於《一代宗師》內，張晉跟章子怡有唔少對手戲。但 13年前張晉仲係替身一名，當時跟隨袁和平拍攝《卧虎藏龍》，竟然做過章子怡、楊紫瓊替身，如今終一戲上位。張晉最近忙於宣傳《一》片，連同老婆蔡少芬的 5周年結婚紀念都不能一齊慶祝。
本週一，張晉經理人若蘭表示：「張晉暫時忙宣傳多，之後仲會出一首歌，跳埋舞。」據知，內地已有唔少片商及導演都因為《一》片對張晉有興趣，睇嚟就快做第二任老豆的張晉有排紅。
武林高手
張晉今次 喺《一》片靠奸上位，打鬥場面全部親身上陣。由 9歲開始習武， 11歲進入四川省武術隊，先後取得全國武術比賽陳式太極拳和太極劍冠軍。第 7、 8屆全國運動會上獲得金、銀牌，之後加入「袁家班」，跟隨袁和平任武指。 99年 喺《卧虎藏龍》仲係做緊章子怡、楊紫瓊替身。《一》得袁和平推薦畀王家 衞，令張晉正式上位。
張晉（箭嘴） 9歲習武， 11歲為四川省武術隊。先後取得全國武術比賽陳式太極拳和太極劍冠軍和槍術、武術冠軍及八卦掌、醉劍亞軍，名副其實武林高手。
《卧虎藏龍》其中一幕章子怡着夜行衣同發哥追逐戲。其中唔少屋頂飛身鏡頭都係由張晉做替身。
99年李安拍攝《卧虎藏龍》，當時武指為袁和平，而張晉亦只係其中一位武師，更做過章子怡、楊紫瓊替身。
葉準撐王家 衞
王家衞由構思到拍成足足花咗 17年 嘅《一代宗師》上週終於出爐。梁朝偉、甄子丹唔使講都知邊個好打。王導 嘅葉問，唔只好打仲風流，特別係戲中描寫偉仔同章子怡一段，不過葉問長子葉準就話：「唔覺佢寫得葉問風流。因為戲劇始終係戲劇，王家 衞拍得更接近真實。其中講述葉問 嚟香港的確冇帶老婆（宋慧喬飾）同行，係同事實一樣。我跟爸爸住在香港後都冇見過媽媽。」
問到葉準師傅偉仔同甄子丹邊個做葉問似 啲，師傅就話：「兩個都好，以後如果有人再拍葉問真係好難超越佢 哋兩個喇！」
上週六（ 12日）偉仔到廣州宣傳，葉準亦有上台支持。佢仲讚偉仔：「知佢練到受過傷，打得都有板有眼。」
4個鐘加長版？
《一代宗師》現時戲院上映 嘅 130分鐘版，其實有好多刪剪畫面，例如宋慧喬摑偉仔 嘅戲分、偉仔同章子怡 喺火車站再隻揪，及張震與章子怡 嘅感情戲等。有傳 3月尾舉行的「香港國際電影節」，會有 4小時版本放映。不過澤東發言人就話：「暫時未聽過有加長版本、亦未有呢個打算。」大家惟有 喺 YouTube慢慢搵刪剪片段啦！
喬妹摑偉仔
戲中喬妹戲分得大約 45分鐘，同偉仔有唔少感情戲及掌摑戲，但一如王家衞風格，大部分都被剪走。
張震戰偉仔
戲中張震亦係武林高手，不過戲分被大幅刪剪，連同偉仔對打一幕亦剪走。
留言列表
{{ article.title }}
