《德》片主 sell血腥同驚嚇，睇見索女 Tania Raymonde，被電鋸狂魔追到上車，嚇到大叫個樣，唔驚都變驚啦！
西面
3D鋸死你
荷里活電影，除漫畫英雄片、科幻動作片外，血腥恐怖片永遠有市場。《恐懼鬥室》、《奪命狂呼》不斷拍續集，而被稱為恐怖片大哥大嘅《德州電鋸殺人狂》亦推出全新 3D版，今個月尾鋸入香港嚇鬼。
今次《德州電鋸殺人狂 3D》，跟 1974年原裝正版玩殺人狂魔揸住電鋸追殺主角橋再延續故事，不過呢次就加入 3D效果製作，血腥場面超逼真，加埋把電鋸喺你眼前武來武去，心血少啲真係分分鐘嚇到暈低！
近 10年不斷有以德州電鋸殺人狂魔為主題的恐怖片應市，但統統都係借個名翻拍兼拍埋外傳，今次《德州電鋸殺人狂 3D》的故事，就真真正正承接 1974年托比胡柏導演執導的殿堂恐怖片《德州電鋸殺人狂》而拍，事隔接近 40年，終於有續集。
1974年版嘅《德州電鋸殺人狂》（右下圖），同 2013年版（左下圖），雖然相差 39年，但殺人狂魔一樣係蒙面，揸電鋸同周圍殺人，始終如一。新版由荷里活甘草演員 Dan Yeager飾演殺人狂魔，全程蒙晒面，其實邊個扮都冇所謂。
開畫 no.1
故事講多年前德州紐特鎮，一群怒漢憤然燒死涉嫌屠殺活人的索亞家族，事件中一名女子僥倖逃生。 20年後，一名由 Alexandra Daddario飾演、叫希德的女子，獲悉自己在德州有個祖母死咗，於是帶同朋友一齊簽收遺產當中包括一棟別墅大宅，一天當眾人於別墅吃喝玩樂之際，就被神出鬼沒嘅殺人狂魔揸住電鋸追殺，噩夢正式開始。
《德》片已於 1月頭在美國上畫，首週已攻佔票房榜 no.1，至今票房更達 1億 7千萬港元，估計埋單計數收 10億港元應唔成問題。
拍到發噩夢
開場剝衫
《德》片唔係一味驚嚇，開頭 Tania同班 friend一齊去別墅途中，亦唔怕醜，當住男友人面前剝衫，露出驕人身材，一開始當然要畀啲甜頭。
慘被欺凌
Alexandra以為接收遺產同大屋一定好着數，點知係噩夢開始，唔只被電鋸狂魔追殺，搞到血流披面，之後仲慘被綑綁欺凌，睇見都心寒。
開槍還擊
Tania聽到電鋸聲後，即揸槍對抗，可惜電鋸狂魔神出鬼沒，唔只捉佢唔到，仲被狂魔玩殘，冇晒符。
《德州電鋸殺人狂 3D》
上映日期： 1月 31日
耗資 2千萬美元（約 1億 6千萬港元）製作的《德州電鋸殺人狂 3D》，已於 1月 4日美國上畫，至今票房已大收 2千 2百萬美元，上畫唔夠一個月已翻本。 
留言列表
{{ article.title }}
