真面目
矮仔多計 帶挈肥妹鬼妹 王祖藍《老表》玩晒
免費電視新牌未發，電視業已經大執位，王維基撬走台前幕後連綠葉都唔放過，搞到做慣電視龍頭嘅無 綫因為橋弱、演員重複被視迷圍插，係時候要變！
踏入 2013，終於等到無 綫第一變，新劇《老表，你好 嘢！》玩 hit爆中港矛盾素材、用前亞視長腿花旦萬綺雯做女主角、又有大量歌手、舞台劇新面孔，最重要係王祖藍親自度劇本組班底，帶挈演藝師妹鬼妹陳明恩和新紮串星肥妹小寶有份拍兼玩晒，搞到中佬郭晉安都要企埋一邊！
雖然劇集海報郭晉安、萬綺雯企正中間，不過週一(14日)首播的新劇《老表，你好 嘢！》，由度劇本到吹雞搵舞台劇猛人龍文康做編審、搵疑似失散老豆黃光亮出山，力薦舞台劇自己友張繼聰、王菀之、大茄肥妹小寶演出，一概由王祖藍包辦，擺到明祖藍至係靈魂人物。
’08《矮仔多情》
四年前小寶第一次做電影老臨《矮仔多情》(小圖)同祖藍有一幕感情戲咁大把，祖藍打後開戲、開騷都記住小寶，仲帶挈小寶簽約 TVB，主演新劇《老表，你好 嘢！》。
身高 5呎 7吋，體重 220磅，現時仍是電影製作公司秘書的小寶，辦公桌上有「我要減肥」自勉說話，不過明顯未成功。
接住《老表》出街的《初五啟市錄》都有肥妹小寶份，去年底播出的《巴不得媽媽》小寶就有份累香香公主跌落海。
小寶（左二）去年五月簽約成為 TVB合約藝員，在王祖藍度橋的《老表，你好 嘢！》傍住祖藍、王菀之戲分吃重。
曲線捧自己
拍完《矮仔多情》，祖藍即對肥妹念念不忘，王祖藍 11年開個唱又搵小寶上台表演辣舞。
周身刀嘅祖藍，原來 99年讀演藝係想做編劇，誰不知誤打誤撞，搞笑形象贏盡民心樂做幕前，雖然平時出碟拍戲又扮女人，祖藍就話自己一肚橋，想拍劇又想搞遊戲節目：「梁家樹（戲劇總監）叫我寫劇本時，我唔知有冇人不滿，但係我寫嘅途中好小心分配角色，自己戲分真係唔多，費事人 哋覺得我寫劇捧自己！」
講係咁講，其實祖藍在《老表》中嘅角色造型騎呢、廣東話半鹹淡、又係內地歌手出身，趁機露一手唱功，戲分唔使多，講出位已經撼贏飾演正路港男的郭晉安。
演藝同學會
唔只度劇本同做埋主演，祖藍連台前幕後都碌盡人情咭搵自己友。
《門徒》編劇兼演藝編劇講師龍文康任編審，演藝師兄張繼聰、王菀之及 Bob林盛斌處男處女演出電視劇，一概由祖藍物色及牽線，而劇中 3人唱歌組合「 Oh Baby」的 26歲肥妹小寶，近期頻頻在劇集中過鏡做串星，由於體型重達 220磅，演出又生鬼，已有網友留意，小寶可以拍劇，全靠祖藍親自由特約演員提拔佢簽約無 綫。
「我以前正職教鋼琴，閒時做特約演員， 4年半前第一次演出電影《矮仔多情》識祖藍，可能佢見我形象同性格特別啦，之後做演唱會、開劇都有搵我。𠵱家我同無線簽 咗兩年藝員合約，真係要多謝祖藍我至有機會走入電視台。」捧肥妹，祖藍亦捧埋演藝師妹鬼妹陳明恩（ Corinna），廣東話超流利的她一頭金髮好易認，連拍多套劇集， 13年注目新人，非肥妹鬼妹莫屬。
陳明恩
至於同小寶一樣在劇中做祖藍、王菀之死黨的鬼妹陳明恩，又係祖藍母校演藝學院出身，拍劇時特別 啱 key。《蘋果日報》圖片
31歲陳明恩原籍新西蘭，在香港土生土長、演藝學院音樂劇系畢業，現時同樣簽約無 綫，遲吓李添勝監製重頭劇《神探哥倫布》又有佢份。
王家班
雖然係第一次做編劇，不過祖藍出道 10年，無論歌、影、視同舞台劇界人面都夠晒廣，有機會拍出心血劇集，祖藍碌爆人情咭搵班底，結果《老表》台前幕後都係自己人，戲中演他表哥的郭晉安，慘變陪襯囉！
安仔陪襯
親自力邀
編審：龍文康
男 2：張繼聰
落嘴頭引薦
大茄：林盛斌
假分裂明和諧
祖藍處男落場編劇，一改無 綫劇婆媽老土千篇一律風格，夠膽用新人亦夠膽玩近年最熱嘅中港差異做題材，不過新劇未上場已經引來話題，又有傳被內地電視台河蟹，祖藍就話由中港差異想帶出和諧共融目的至真！
講 嘢唔正
郭晉安係港人、祖藍同萬綺雯都來自內地，《老表》唔少場面係新移民講白話歪歪 哋，內地遊客又彈港人普通話爛。
惡婆導遊
郭晉安同女朋友湯盈盈一齊開旅行社，湯盈盈個導遊角色齊蔭又兇狠，迫遊客消費，極有兩年前惡極一時內地團導遊「阿珍」影子。《蘋果日報》圖片
翻炒網料
祖藍將廣州救童英雄托舉哥真人事跡搬上電視，話無論邊度人，都有好人又有壞人喎。《蘋果日報》圖片
抽 D＆G水
《老表》以招待強國旅行團為故事骨幹，拍到名店對港人、強國人待遇不同，明潤廣東道引起公憤嘅 D＆G。《蘋果日報》圖片
留言列表
{{ article.title }}
