上週三（ 9日），心事重重嘅楊怡喺灣仔為無綫嘅飲食節目親自下廚，睇佢切蒜頭嘅手勢都好生硬，仲好小心，睇嚟平時好少落廚。
FBI
前度陪新女 楊怡一刀切
TVB一姐楊怡，雖然上年同男友羅仲謙疑似車震斷正，但始終有公司錫住，上年尾仲憑《名媛望族》攞埋視后，可惜同時傳佢飛咗羅仲謙，羅仲被楊怡踢出日出康城愛巢。
日頭唔好講人，咁蹺上週三（ 9日）下午， FBI就喺灣仔駱克道一間廚房陳列室，見到楊怡幫 TVB飲食節目錄影，當日做嘉賓嘅楊怡肥媽上身，煲完湯又揸住條魚又劏又醃，其間又因為自己雞手鴨腳，而忍唔住笑，但轉頭又低頭切嘢，心神恍惚咁款！
同一日傍晚，又咁啱， FBI喺附近嘅時代廣場撞到 6年前因負債半億而被楊怡飛甩嘅前度、沙田鄉紳藍偉傑，當晚所見楊怡前度同以前一樣咁肥，而且亦同以前一樣咁有女人緣，因為佢當晚就傍住幾個靚女 shopping，其中一個仲同佢企到鬼咁埋，其間藍唔只陪女揀化妝品，更做埋觀音兵跟出跟入。楊怡真係要加油，唔好輸畀前度呀！
楊怡喺灣仔錄影，同日佢嘅前度藍偉傑就傍住新女友喺銅鑼灣時代廣場買化妝品，鬼咁 sweet。
女友到達前，藍偉傑就一支公喺時代廣場出現，一路吹風一路等，悶到擔天望地。
6年前，楊怡曾喺將軍澳開精品店「尋夢園」，當時前度藍偉傑亦曾到鋪撐場，可惜後嚟佢因為欠債，被理智楊怡一腳飛起。《忽然 1周》圖片
甩謙謙
上年楊怡帶住男友羅仲謙開記招為車震事件解話時， 2人就笑晒口面對傳媒。 FBI聽聞經過呢件事之後，佢哋關係愈嚟愈差，楊怡更將謙謙「遣返」大埔村屋。
全站熱搜
留言列表
{{ article.title }}
