Katy身高 160cm細細粒，但處理起莊務就非常認真，也會因過分緊張而發脾氣，「我試過開開吓會喊咗出嚟，不過我𠵱家慢慢學識控制自己情緒，唔可以咁情緒化！」

U花 U草

嶺南 Hall花：上莊先係我 major！

2013年01月16日 ~~ 第295期 Face

現在大學生周街都係，想有前途？
最好 First Honor畢業先可以突圍，但就讀嶺南大學的林護堂宿舍 Hall花李宛堃（音坤， Katy）卻志不在成績，她反而認為上莊大過天，為了做宿生會（ Hall莊）不惜頻頻走堂，曾經連續兩星期晚晚通頂傾政綱！
19歲的她更坦言：「我哋支莊個個都係 Minor（副修） GPA，上莊先係我 Major（主修）！」
不過奉勸 Katy，「個個都係」嘅嘢，未必啱嘅！

大學選科，出路愈好就愈多人報讀， Katy卻放棄大路工管系，報讀較少人爭的嶺大社會科學學院， Katy直言：「讀 BBA嘅人好 social，佢哋只求結果講分數，唔係我杯茶， Social Science做社會研究要落區同人溝通，我仲鍾意，出路？唔理啦，最緊要開心！」

嚇怕 Hall仔

靚女 Katy（紅圈）雖然只住了半年宿舍，但已被宿舍文化吸引，瞓身處理莊務，不過 Katy直言：「有時我會太緊張莊務而發脾氣，所以都冇男仔追！」

可樂京奧廣告

08年時， Katy14歲第一次試鏡便成功擔任可樂廣告女角，並赴上海五日拍攝，「其實男主角係姚明，不過我哋分開拍，見佢唔到好可惜！不過當時試鏡有中港台嘅 model，被揀中我都好開心！」

李宛堃（ Katy）
嶺南大學社會科學系 Year 1

自稱最愛瞓覺，「一有時間就瞓」的 Katy，成日會錯過一些小測，自問成績平平的她說：「雖然我成日走堂，不過 mid-term都合格，功課都會做足，第一個 sem.成績未出，不過我估都係一般！」

醒目重要過乜 Hon

Katy唔理的還有現時的大學成績，當其他同學埋頭苦幹為 GPA狂溫書， Katy偏偏瞓身宿舍莊務，走堂更當食生菜，歪理當秘笈，「雖然好老土，但確實上莊要面面俱圓，因為要代表支莊，見到唔鍾意嘅宿生都唔可以黑面，為咗上莊兩星期晚晚通頂傾政綱及籌備活動，所以朝早嘅堂幾乎走晒，講真好多老闆都唔太在意你攞咩 hon.，反而講嘢有條理，人夠醒目仲緊要！」
樣貌標致的 Katy莊務忙，但仍抽到時間做兼職 model， 14歲被模特兒公司看中，曾經接拍麥當勞和可口可樂等多個廣告，不過 Katy卻只當玩票性質，「我做 model，都係貪玩，又可以靚靚見人，兼賺吓外快，我唔恨做明星，最想做公關！」靚女做公關， fit晒，不過都要顧吓成績喎！