《福布斯》上周公布新鮮出爐的「香港50大富豪榜」，華人置業主席劉鑾雄，以569億身家，高踞第8位。
雖然大劉最近受官司纏擾，但身邊喜事接踵而來，其紅顏知己呂麗君（Yvonne）更是動作多多，繼榮升富二代組織「百仁基金」的副主席後，又盛傳將殺入新一屆北京市政協。
錫女錫到燶的她，最近仲做埋馬主，據其閨中密友透露：「Yvonne個女盈盈（劉秀盈）生肖屬馬，去年佢同媽咪講咗一聲鍾意馬，Yvonne就即刻買咗隻馬送畀個女做生日禮物，真係廿四孝媽咪！」
本刊於網上發現一批相片，原來早前呂麗君拖着女兒秀盈入馬場探望愛駒「替天行道」，更親自餵牠食草，母女晒溫馨。
照片中所見，呂麗君帶囡囡劉秀盈入馬場探望「替天行道」，盈盈一向愛馬，雖然未敢埋身，但一見「禮物」便拿起手機拍照。
慈母呂麗君向盈盈講解馬匹特性，「替天行道」還與母女對望，甚有靈性。
替天行道
大劉劉鑾雄早排向傳媒高呼打擊貪腐，紅顏知己呂麗君亦貫徹其正氣形象，將新購入的愛爾蘭四歲馬，命名「替天行道」。據知情者透露：「其實Yvonne諗過好幾個馬名，但有啲太似公司名，有啲又太似電影名，馬會都唔批。最後取名『替天行道』（Poetic Justice），係寓意幫個天做啲好事。」
大劉與呂麗君對愛女劉秀盈一向寵愛有加，知道女兒喜歡游水，早年就以四千萬港元，買入一艘八十二呎長的英國名廠遊艇Sunseeker Predator 82o氹愛女開心。數月前女兒十歲生日，二人又豪擲八百萬買馬給愛女當玩具，認真豪氣。
從網上照片所見，呂麗君早前拖住愛女入馬場探望「替天行道」，不過秀盈就有點害羞，唔多敢行埋隻馬身邊，只是離遠不停用手機拍照。反而身為億萬闊太的呂麗君就好大膽，仲親自餵草畀愛駒食添。
除有傳呂麗君躋身新一屆北京市政協外，上周三（9日），她（右）又以百仁基金會副主席身份，出席會方就職典禮，並與葉劉淑儀（中）及林建名女兒林煒珊（左）合照。
全站熱搜
留言列表
{{ article.title }}
