娛樂八掛大放送★

綫台慶製作了一連串節目，除了兩線劇集之外，另一重頭節目，就是由剛過檔的洪永城（Tony）主持、本月5日首播的《走過烽火大地》，節目放棄一貫旅遊節目吃喝玩樂形式，以另一個角度了解這個長年被戰火洗禮的中東地區。雖然無綫買重保險，但拍攝絕對是搵命博，不過 Tony接受本報記者訪問時，認為此行收穫比危險多，絕對值得。撰文：杜淑霞

Tony入行6、7年，在有線和Now都以主持旅遊節目為主，最近跳槽無綫首項任務離不開旅遊，但形式和地點卻截然不同，竟然到中東拍攝，雖然跟真正戰場有段距離，但恐怖分子的突擊卻是防不勝防，絕對搵命博的任務。

追問被力捧即O嘴

Tony認為拍攝雖然有危險成份，但亦是難得的體驗，「我哋去前根本申請唔到簽證，人哋大使館都覺得我哋傻，叫我哋唔好去，去到要逐個地方再申請，雖然又無啖好食，但可以體驗同了解當地平民百姓，除咗打仗之外嘅真實生活，係亞洲地區電視未試過，但我哋可以成功拍到，確實係好難得經驗。」

Tony在當地逗留了40日，幸好全程有驚無險，「試過去軍事區拍攝，一落車就畀坦克車支炮指住；又試過去難民營，難民驚播咗出嚟會被虐待，成班大隻佬圍住我哋。」有指他是高層余詠珊的愛將，所以安排過檔後即接拍大製作，之後更安排主演劇集，平日活潑鬼馬的Tony，被追問力捧即時O嘴：「我真係唔識點答你，唯有講多謝！」

※在伊拉克隨處可以見到坦克車，合照變成很平常的事。

※Tony在東土耳其遇上坦克車，一落車即被炮頭指着，嚇餐死！

※Tony訪問的伊朗二手書店的老闆，年輕時因批評政府而入獄。

※伊朗男女授受不親，Tony只可請男髮型師理髮。

※飽經戰亂的伊拉克，連小孩也愛穿軍服，更不自覺地敬禮。

※Tony在東土耳其，受到庫爾德人的熱情招待。