惹火水着
早前林心兒放假返港便立即出動，她精力多到漏，夜晚蒲完，晨早 7點就直踩去四季酒店游水。 着住螢光比堅尼的她，大騷纖腰立體身材。不過對熊貓眼仲立體。
上流滙
岳少千金放縱私相簿
名人二代衣食無憂，今朝有酒今朝醉。林建岳二女林心兒，出名貪玩，曾被拍醉倒老蘭。有錢女連玩都放眼世界，近日已返美國讀大學的她更加冇王管，主力吃喝玩樂，還將放縱相片擺上網晒冷，一於玩 咗先算。
林心兒
是林建岳和謝玲玲所生的女兒，今年 22歲。年前她到英國修讀完時裝設計後，今年初再到美國洛杉磯的 Pepperdine University修讀藝術史，讀書其次，喪玩先至係主菜。
事業線初露
吹喇叭
鍾意飲酒嘅林心兒，喺網上大晒金句︰「 A bottle a day keeps the doctor away.」一日一支酒，醫生遠離我。呢啲就係富二代真經喇，吹脹！
溫馨全家福
除了爛玩蒲相，受盡全家愛錫的林心兒（後排左二），當然放埋一家八口全家福。有咁大家族無條件支持，唔 love就假。
揸辣跑
林心兒唔激唔玩，香港習慣司機管接管送的她，於美國讀書期間，以火辣戰車代步。該款電單車索價十多萬，唔係個個學生揸得起。
連體合照
同外籍新歡 Gavrilo打得火熱的林心兒，將二人密照放上網，伸 脷、對望兼面貼面，寃氣到震！
喪蒲姊妹花
林心兒同賭王千金何超盈出晒名好姊妹，二人不時蒲到出國，孖住搵食。呢張咁正經做義工嘅相，萬中無一。
攬女上牀
林心兒玩得瘋狂，次次出動都去到盡，男女通殺。同班女性朋友蒲天光後，林心兒索性攬住一齊 瞓。
邢嘉倩餵飽鬼仔
林青霞老公邢李 與前妻張天愛所生女兒邢嘉倩，作風低調， 07年已擔任海南省政協委員。不過鬼妹性格的她，身邊不乏男伴，曾與楊海成二子楊嘉杰、潘世亨等拍拖，今年轉口味，情傾老外。
少布泳裝
鬼妹性格的邢嘉倩，唔介意騷身材。佢經常着住極少布嘅泳衣，同 Martin齊齊曬太陽。
擒裸男出海
邢嘉倩與現職於 KPMG Services Pte Ltd的鬼仔 Martin愛得痴纏， 着住吊帶裙的她，黐實半裸男友出海， sweet爆！
戙腳自駕遊
外表斯文的邢嘉倩，亦有狂野一面。早前她歐遊期間，試過一邊戙起腳揸車，一邊自拍，表演高難度動作，大人細路千祈咪學。 
現年 24歲的邢嘉倩，擔任海南省政協多年，近年幫老豆邢李 管理言愛基金在海南的公益項目，二人不時孖住出席活動。老竇面前，刑嘉倩亦做番乖乖女，跟出跟入。 
留言列表
{{ article.title }}
