10:40pm十指緊扣
羅敏莊與老公十指緊扣入浸會醫院，準備翌日開刀產女，兩人心情雖然緊張，但臉上顯露笑容。據知當晚兩人先外出吃飯，吃飽才入院。
滾熱辣
開刀誕 7.3磅邦女 直擊羅敏莊 deep V入院
繼朱茵早前誕下 6.6磅 B女後，娛樂圈又多一名小龍女喇！周二(30日)羅敏莊(Mimi)剖腹誕下 7.3磅 B女陳禛(Jan)。榮升爸爸的陳國邦直認幫女兒剪臍帶一刻感動到喊：「我未試過揸住把鉸剪咁緊張， 嗰一刻 feel到自己流緊眼淚！」
陳禛健康出世當然感動，但原來都有段驚險小插曲。羅敏莊臨生前一個月， B女生長得好快，更有早產跡象，年屆 37的羅敏莊曾要求提早開刀，不過醫院卻以「冇 牀位」為理由，拒絕改期。
周一(29日)本刊直擊羅敏莊由老公陳國邦拖實入院產女， deep V入院的 Mimi，身材明顯兩 cup跳，睇 嚟囡囡一定唔會餓親！
餅印母女
周三（ 31日） B女出世第二日，面色紅潤， Mimi抱住熟睡囡囡阿 Jan合照，一副有女萬事足樣，好溫馨。
10月 29日 10:35pm產前巨肚
陳國邦揸車送老婆去醫院，落車時 Mimi穿上薄薄外套，以免 着涼。嘩！重了 40磅的她，個肚真係好巨喎！
羅敏莊 09年與拍拖七年的陳國邦結婚，三年後終於結束二人世界，初嘗做父母滋味。本刊記者一早收到消息，知道 Mimi已預約周二(30日)於九龍浸會醫院剖腹生 B，更獨家直擊整個入院過程。周一(29日)晚上 10時許，陳國邦駕 着 Audi Q5房車，載住腹大便便的老婆，到達醫院停車場。落車後，陳國邦拖實 Mimi，並拎住一袋二袋「走佬袋」，盡量減輕 Mimi負擔。 Mimi曾自爆由上圍 A cup升到 C cup，當日她身穿吊帶 deep V背心，竟有爆乳效果，不過手腳依然纖瘦，絕對得天獨厚。
有料到
側面睇， Mimi件小背心盡顯激凸身材，前所未有咁勁，就連陳國邦亦笑說：「嘩，老婆你好大喎！」
11:00pm住私家房
房內空調還未開動， Mimi隨即把外套脫下，致電與友人閒聊，老公就忙於整理物件。這間單人私家病房，五日四夜房租過萬，加上醫生開刀費及其他醫療雜費，估計埋單約 8萬。
10月 30日 8:45am全家福
在手術室順利誕下 B女後，一家三口即時拍下第一張合照。
陳禛性格男仔頭
陳國邦與羅敏莊擇吉日，讓愛情結晶品陳禛於周二 10月 30日上午八時半出生。玄學家麥玲玲大讚 B女旺爸爸：「 BB屬木，生於秋天所以屬於浮木，適宜留長頭髮同埋多用綠色 嘢。佢同父母感情都會好，旺爸爸多 啲，性格會偏向男仔頭。不過佢命格注定會離鄉別井，應該十幾歲就會去外國讀書，第時從商做生意會適合。」
對於 BB女取名，師傅則指「禛」是古字：「意思係用誠意感動上天，其實比較少人用到呢個字改名，不過幸好靠邊讀邊都識讀，人緣都 OK。」
8月影大肚寫真
今年 8月，佗住 8個月大肚的羅敏莊，與老公影了一輯大肚凸臍寫真。向來瘦蜢蜢的 Mimi，上圍從未如此豐滿過，穿上多套比堅尼，渾身充滿自信。
深夜時分醫院人流明顯較少，不用數分鐘兩人已辦好入院手續，手拖手步入單人私家病房。現場所見，陳國邦即時整理帶來的物品，如盒裝紙巾、水杯等。據知準爸爸當晚一直陪伴 Mimi，讓她可安睡一晚，養足精神，到翌日早上 8時半剖腹誕下 B女陳禛。
B女過大恐早產
囡囡健康出世， Mimi放下心頭大石，但原來陳氏夫婦一度擔心會早產。知情人士說：「 Mimi一直都佗得好好，阿囡 喺肚裏面生長得比預期快，醫生話 BB好吸收，出世一定係肥 B。到預產期前個幾月，醫生話有機會早產，嚇到 Mimi即刻話要改早 啲入院開刀。不過醫生話可以睇定 啲，唔使緊張，況且醫院 嘅 牀位好緊張。 Mimi惟有博一博照原定日子開刀，但個心一直都好驚會早產。好在 BB生性，依家母女平安， Mimi安心晒！」
陳禛樣貌可愛，喊聲中氣十足似足媽咪，剛榮升爸爸的陳國邦說：「佢擘大個口大聲喊，好似學媽咪唱歌咁，好搞笑！我有陪 Mimi入產房，負責剪臍帶嘛！不過估唔到條臍帶好似生腸，我未試過揸住把鉸剪咁緊張。其實醫生同護士都夾好晒個位，好穩陣，我只係跟佢 哋 mark嗰個位去剪就 ok，但係都緊張到手震，而且好感動， 嗰一刻我 feel到有眼淚流出嚟！之後 Mimi話要影一家三口合照，好彩我一早預備鬚刨，剃乾淨 啲鬚先影全家福！」
聖誕期即復出
今年初，羅敏莊換了架價值 60萬的 Audi Q5代步，個款夠型車身又高，絕對方便 BB上落，真係世上只有媽媽好。
阿邦表示希望兩年後追多個，今次榮升爸爸，無 綫《東張西望》都有到場採訪。換句話 BB一出世就帶挈父母賺騷錢，認真好腳頭，就連阮兆祥都話要做 B女契爺。至於 Mimi何時產後復出，阿邦說：「佢會繼續做幕前工作， 12月聖誕檔期會復工去內地表演，希望第日出外工作可以帶埋 B女，一家三口黐到實啦。」
榮升媽咪的羅敏莊則大讚女兒 Jan可愛：「班護士都話阿 Jan有對修長美腿，似陳敏之喎！其實我之前覺得 BB喊會好嘈，但依家聽到 Jan喊，又覺得好可愛，真係好奇妙。陳禛呢個名係阿邦改 嘅，佢知我鍾意《精武門》李小龍飾演 嘅陳真嘛，英文名 Jan，都係為 咗我偶像林海峰而改，哈哈！」囡囡改名都投 Mimi所好，陳國邦果然錫老婆。
狂搵奶粉錢
陳國邦
劇集
《大太監》、《幸福摩天輪》、《仁心解碼》
約 60萬
舞台劇
《蝦碌戲班》十五場（今年 12月）
約 8萬
登台騷
約十個
40萬
爹 哋全年收入約 108萬
羅敏莊
商場騷
約二十個（今年 4月至明年 3月）
共 80萬
演唱會
廣州《一屋寶貝》共三場（今年 12月初）
約 10萬
〈真． SING．情〉演唱會及 DVD收入
約 20萬
媽咪全年收入約 110萬
留言列表
{{ article.title }}
