超！我 2013返 TVB。再唔係， 2046都一定返到！（設計對白）
《爆足一周》播出以嚟，收視跌極都有，但查小欣誓不認衰。對於節目腰斬，佢話：「可能大家對我有期望，好多批評唔理性，做乜都吃力不討好。」問題係，小欣姐有做過討好嘅嘢咩？
媽咪姐
辣㷫蘇康 查小欣犯眾憎
由資深電台主持查小欣擔大旗嘅電視節目《爆足一周》，第一集喺度圍讀報紙、雜誌嘅舊料，跟住第二、三集亦唔見得有乜嘢驚天地泣鬼神嘅獨家新聞，成班主持繼續齋吹。嘩！小欣姐你都好好做啫！如果觀眾咁都收貨，媽咪姐就唔使個個禮拜四圍八，搵咁多勁料啦。
所以呢，當星期日（ 28日）悶悶哋，又 㩒去 TVB睇吓小欣姐有乜新橋時，見佢宣布節目暫停，媽咪姐真係唔太意外囉！唉，第三集收視得 14點咋！ TVB嘅慣性收視力牆都撐唔住，唔腰斬，啲廣告商就攞刀入電視城㗎嘞。消息一出，全城拍掌，幾咁萬眾一心呀！而早前蘇永康上《爆足一周》接受訪問時，小欣姐扮識 FBI讀心術，狂質佢唔老實，搞到蘇康㷫爆，仲同相熟記者講：「祝佢（查小欣）個節目長做長有囉！」叫圈中好友唔好再接受佢訪問。依家真係開口中，唔少圈中人見蘇康「誤中圈套」，已經醒目避聽查小欣嘅電話。
周三（ 31日），媽咪姐去問過許志安，安仔就話老友無喺佢面前鬧人，不過講到會唔會再接受小欣姐訪問呢？安仔就好老實話：「呢排會避忌啲！」啱嘅，趨吉避凶呢家嘢，咁大個人梗曉啦。
不過有無綫中人話，查小欣之前係簽咗 13集嘅約， 𠵱家只係做咗 4集，仲欠 9集。以 TVB用到盡嘅慣例，好可能喺農曆新年後又硬推小欣姐出嚟！嘩，嗰時過咗「末日」嘞喎，俾番啲好日子大家過啦！
呢排會避忌啲！（真實對白）
果然係好兄弟！（設計對白）
周日（ 28日）查小欣喺第 4集《爆足一周》嘅尾聲，突然宣布節目「暫停」，仲振臂一呼話：「 2013年再見！」而一眾事前唔知情嘅主持就明顯呆咗，配合唔到小欣姐場「戲」。
蕭若元狂踩
腰斬節目消息一出，除咗網友狂 like洗板，梁思浩、茜利妹等再插，周二、三連蕭若元都加入踩多腳，好抵死話要去政總外靜坐爭取復播。
余詠珊繼續撐
留言列表
{{ article.title }}
