一年一度，「哈囉喂」又到，加上兩大主題公園的廣告瘋狂轟炸，萬聖節已成港人「盛事」。說起萬聖節，指定動作都離不開扮鬼扮馬，而怎樣扮得神似，就是一種學問。
一講到扮嘢，香港喜劇大師詹瑞文扮咩似咩，從煲呔到袋巾，再變身香港師奶和志雲大師，最近更大搞新意，把MV〈帝女花奸男Style〉融入粵曲〈帝女花〉與〈江南Style〉之中，一人分飾男女兩角，令人歎為觀止。
今次要他扮鬼，當然要創新一些大玩mix and match，撇開西方的吸血鬼、木乃伊，詹瑞文以中國的殭屍先生crossover已故粵劇名伶新馬仔，仲要在地道十足的新光戲院拍攝，套用某師傅的名言：「真係會出事呀！」Wooh——
問你怕未?（設計對白）
扮鬼場地： 新光戲院
詹瑞文即將在新光戲院開show《帝女詹》，因利成便下，他便在此扮殭屍，夠晒feel！
大鬧戲院
詹瑞文雖然平時扮鬼扮馬，作風大膽，但一提到鬼，他始終都有所忌諱。拍攝期間，原本想讓他邊灑溪錢，邊扮鬼扮馬，可是經驗豐富的他即時笑笑口婉拒：「呢啲（溪錢）要上過香先可以灑o架，突然間咁做唔係咁好。」
新一代可能未必懂得規矩，但詹瑞文食鹽仲多過你食米，很多事都「寧可信其有」會較好。
詹瑞文會如此「勸戒」記者，源自他2011年於紅館舉行《踢館》時的一段往事，「通常我哋入台（到紅館）嘅時候都會拜神，但係嗰次因為有太多嘢要兼顧，拜神就拜遲咗，跟住就有一啲奇怪嘅事發生。
2011年初，詹瑞文（中）到紅館開騷，名為《踢館》，當時往捧場者有張智霖（左）、郭富城（右）等，星光熠熠。詹Sir不言明，入台前的「故事」就永「不見天日」。
以一身「新馬仔」裝扮亮相的詹瑞文，鬼馬地嚇小童軍。
全站熱搜
留言列表
{{ article.title }}
