打開車尾箱，發現 Mandy竟然放 咗 16對鞋、一張棉被、小型吸麈機，連行李篋都有。「咕係 fans送，張被係媽咪買俾我，佢見我成日 喺外景開通頂驚我凍親。」
小特搜
女車搜
黃智雯 16對鞋坐鎮
攞咗 8年車牌 嘅 Mandy（黃智雯），兩年多前以近廿萬買 咗人生第一部車，「 09年我已經睇中 咗當年 Jazz新款紫色車，平時 Jazz嘅車係冇出紫色，所以我 10年初都買番 09年 嘅款。我命格欠火，紫色、紅色係 Lucky！」的而且確， Mandy買 咗呢架車後，先拍《缺宅男女》再拍《巴不得媽媽》，一部劇比一部劇重戲份。
車尾鞋櫃
「我平時拍劇、出活動要襯唔同 嘅鞋，所以車尾箱會放好多高 踭鞋，仲有幾對波鞋㖭，有時我得閒會去跳舞，呢度 嘅鞋只係我屋企 嘅一角。」
每周吸塵
Mandy一得閒就會幫架車清潔：「我一星期洗兩次車，得閒就吸塵。」所以吸塵機唔少得。
必備 GPS
「開外景好多地方我都唔識去，所以我架車一定要有 GPS導航。」
多卡傍身
Mandy架車有好多卡，油卡、八達通、 TVB員工證都擺晒喺車頭。
香氣四溢
呢支 hand cream係 Mandy喺美國買番 嚟，香港仲未有得賣， Mandy貪佢有好清 嘅茉莉花味，所以一次過買 咗幾十支。
呢個香薰座裝着香氣四溢 嘅白麝香，係 Mandy媽咪送 嘅，呢個阿媽認真廿四孝。
外景孖寶
Mandy架車放有外景必備 嘅花露水（右），去郊外做 嘢可以驅蚊同當香水聞，好有用，而暖貼通常都係冬天先用。
HONDA JAZZ
徐子珊 揸車學外語
《雷霆掃毒》進入結局周，女主角徐子珊大有機會憑劇中「道友婆」陳家碧一角問鼎視后。一向忙碌 嘅佢，車內的物品明顯冇 Mandy咁多，不過貼身用品同樣唔少得。
「有時着高 踭鞋做 嘢着得耐會好 攰，所以返到上車或者未埋位前，我會換上呢對拖鞋，等對腳休息下。」
學意大利文
「呢隻碟係學意大利文 嘅，佢播完一段意大利文就會播番英文翻譯。我 喺車得閒就會聽，聽得多都記到一 啲 㗎！」
Fans咖啡杯
「呢個杯係 fans喺俄羅斯買俾我，我覺得好靚，平時買咖啡我都會用呢個杯裝。」
外購寶石
「呢粒土耳其石，係好多年前我 喺黃金海岸 嘅跳蝨市場買 嘅。我鍾意藍、白色，就算換 咗車我都唔會掉。」
LEXUS CT200h
留言列表
{{ article.title }}
