食飽飽轉場睇音樂劇，趙世曾叼住支牙籤，十分不羈，回頭 𥄫實透視裝嘅女友。
媽咪姐
愛女叫 Sean「老婆」 趙世曾：我邊有接受佢！
趙世曾繼續風流 繼續專制
之後趙式芝繼續辣火頭，為咗番阿 Sean，再喺 fb發表愛的宣言，以妻子稱呼阿 Sean。上周二（ 23日）趙世曾懶理外界冷嘲熱諷，照拖打扮性感嘅女伴去銅鑼灣嘆西餐，食飽飽再踩落灣仔演藝學院欣賞音樂劇《舞火花》。趙公子不愧為趙公子，面對鏡頭從容自在，仲叼住支牙籤， 76歲人相當有型。
媽咪姐上前同趙公子傾 GiGi嘅事，佢好無奈咁話：「佢哋啲私生活我管唔到咁多，女大女世界，佢鍾意點就點，唔好寫到我好專制、好封建咁！（咁即係接受咗佢哋？接受咗阿 Sean？）我邊有接受佢呀？唔關我事，我只係想講，阿女交咩朋友我唔理，我冇權過問，佢私生活點係佢嘅事。（係咪你五億招婿激嬲 GiGi，所以依家先話女大女世界？）冇呀，佢冇唔開心，我都冇，大家都好開心，總之啲仔女勤勤力力做嘢，私生活嘅嘢我唔理咁多！」
聽到爸爸咁講， GiGi日前亦公開話有朝一日希望可以帶阿 Sean同父母見面：「要睇雙方面準備成點，呢啲唔係單方面，即使我想爹哋同阿 Sean一齊食飯，都要睇阿 Sean配唔配合到。」睇嚟呢單嘢都幾難拆得掂喎！
趙世曾好有風度停低同媽咪姐傾偈，一方面無奈認為女大女世界管唔到，但另一邊廂，卻聲稱冇接受過阿女口中嘅「老婆」阿 Sean。
上周二（ 23日）晚，趙世曾偕女友去銅鑼灣露天餐廳嘆意菜，情調十足。雖然外界炮轟佢專制，但趙公子一於少理，冧女至緊要。
趙式芝媽媽姚煒一向表明尊重阿女，早前姚煒咁啱同阿 Sean同場，兩人有講有笑，似乎媽咪思想比較開通。
我係佢老公。﹙真實對白﹚
冇人可以分開我哋！﹙設計對白﹚
今年 9月，趙式芝孖住同性密友阿 Sean（楊如芯）出席公開活動，現場宣布喺外地結咗婚，成為一時佳話。
全站熱搜
留言列表
{{ article.title }}
