「神獸天使」劉蔚萱（Jenny）疑被導演張永豪施虐，引來全城哄動！事件曝光後Jenny即被製作部照肺，交代事件來龍去脈。據知過程中有高層未有慰問之餘，更質疑她是拍片者，令Jenny感孤立無援，當堂崩潰嚎哭！

Jenny日前拍攝新劇《心路GPS》一場戲份時，久久未達導演張永豪要求，有指張永豪見狀即拿起內有田雞的膠袋笠她頭部，並使力推她撼頭埋牆，該片段於網上曝光，不少藝人先後發言力撐Jenny。

事件發生後，無綫製作部及藝員部分別召見Jenny，要求交代事件。據知，製作部高層未有安慰，劈頭第一句便問Jenny：「條片係咪你拍嘅？」令Jenny大感冤枉，當場崩潰嚎哭。雖然製作部高層曾勵珍已公開否認與張永豪是親戚關係，但據張永豪的Facebook現狀一欄，卻透露二人是親戚，似乎高調向外宣布有人撐腰。

劉蔚萱昨日未有接聽電話，未知是否接封口令。（資料圖片）

張智霖指極端教戲會嚇怕新人。

陳宛蔚指劉蔚萱可能與導演溝通出誤會。

錢國偉教新人只動口不動手。

樂易玲讚對答得體

負責藝員部的樂易玲昨日透露已見過Jenny：「佢係唔開心，不過都要讚今次佢處理件事好好，對答得體。佢唔開心係聽到得罪珍姐就以後唔使撈嘅傳聞，我唔相信珍姐會咁做，總之藝員部會保護Jenny工作環境安全。」樂小姐又稱看過該段片後感不安，寄望製作部日後多體諒藝人。

而無綫外事部副總監曾醒明昨日透露已收到1個電話、40個電郵投訴，直指張永豪濫用職權，暴力對待Jenny，他說﹕「似係一個群組用同一個格式嚟投訴，另一電話係話睇完報道覺得好唔應該。」。至於Jenny與張永豪昨日未有接聽電話，未知是否收指示封嘴，而Jenny昨晚會繼續為新劇開工。

張智霖指極端教戲

身在電視城拍攝劇集《衝上雲霄Ⅱ》的張智霖亦為Jenny抱不平，他認為不該以極端手法教戲，除嚇怕新人，效果更是適得其反。與Jenny熟落的「天使妹」陳宛蔚前晚出席新戲宣傳時表示：「佢外國返嚟，中文唔太好，可能溝通上出現問題。」在旁的錢國偉則表示教新人會動口不動手：「呢件事好多嘢係羅生門，各有各原因，不過我同導演張永豪就唔熟。」

躁導演辣㷫陳曼娜

陳曼娜被指曾與張永豪炒大鑊。資料圖片

無綫躁底導演張永豪粗暴對待新人劉蔚萱，但無綫高層曾勵珍前日仍撐他，還轉移視線要揪出偷拍片段者，惹來網民炮轟。

劉蔚萱照肺

有高登網友爆料指張永豪試過將叉掟向助導，而早前張永豪與陳曼娜合作時，雙方曾炒大鑊，陳曼娜直言有你冇我，並即時離開錄影廠，事後向高層投訴。

不過，據知前日事件曝光，珍姐嬲爆即召劉蔚萱返公司照肺，有目擊者謂劉蔚萱入房前顯得很驚慌，離開時就眼紅紅。張智霖昨在電視城說：「唔應該用呢啲手法對待新人，效果可能適得其反，大家理性討論，甚至換第二個人拍。」有否試過被導演罵？他說：「我拍《九陰真經》喺片場太嘈俾導演鬧。」曾與劉蔚萱合作過的錢國偉女友陳宛蔚前晚則謂未有時間問候舊拍檔。

無綫外事部副總監曾醒明昨透露無綫因此事收到近40個電郵及一個電話投訴，他說﹕「似係一個群組用同一個格式嚟投訴，另一電話係話睇完報道覺得好唔應該。」