本週一（ 10日）邵美琪同男友施祖男做完療程後，便坐男友電單車回家。回春後一身型女打扮的她，望落比實際年齡後生。
探熱針
抗內分泌失調四年 邵美琪自然回春
曾經列入索爆花旦的邵美琪，試過因病乾瘦落形，十三年前同鄭伊健甩拖，情緒問題加上日久失修，身形持續腫脹，全線走下坡。
殘 咗十年，四十七歲的邵美琪跟年輕九年的男友施祖男拍拖後，在對方支持下積極搞好身體。經過四年努力，荷爾蒙失調困擾終於搞掂。為 keep住狀態，本刊發現邵美琪每星期必到一間診所接受治療，要回春，唔懶得！
唔再做宅女
邵美琪因長期失眠，導致荷爾蒙分泌嚴重失調，內外狀態每況愈下，肥腫難分。直至四年前，跟施祖男撻着，這段姊弟戀終於令她再次生猛。
原已半放棄的邵美琪，在男友影響下，積極面對自己的健康問題。○八年初，她曾到湖北學抗衰老中醫療程自救，近年再經朋友介紹接受自然療法， keep住每星期做兩三次治療，長期抗戰，終於醫好荷爾蒙失調。
「 Vince（施祖男）打波打拳電單車瓣瓣 啱， Maggie同佢拍拖後都受佢影響，唔再做宅女，早排仲陪埋男友去玩空手道。可以醫番好個病，都係 Vince勸佢要錫身。」知情者說。
見診所教授
本週一，邵美琪帶埋男友去睇自然療法，熟客仔的她一見診所教授傾到雞啄唔斷。
紅外線 櫈
當日二人坐在大堂的梳化，開動接駁了的紅外線儀器，排排坐做治療。
之後施祖男入了推拿房做治療，女友則繼續坐在被稱有增強免疫力的紅外線 櫈。
紅外線治療
上週邵美琪拖住男友出席新片《閃亮人生》慈善首映，纏擾她超過十年的水腫身形不復見，變得容光煥發。失去黃金十年，邵美琪將勤補拙，持續接受自然療法，個個禮拜當 facial咁做。
本週一（九月十日）下午，邵美琪和施祖男拍拖到診所，見完駐診的教授後，二人同坐在大堂的梳化，並開着一部據稱可增強免疫力的紅外線機，當住診所內其他人接受治療。其間兩人邊坐邊傾，毫無避忌。
腫脹 2008
因分泌失調，一直纖瘦的邵美琪越整越腫， 08年拍台慶劇《珠光寶氣》，更是肥腫難分。
走樣 2006
99年經歷情傷後，其狀態一直持續下滑。 06年 41歲她走晒樣，成個師奶咁！
回春 2011
睇 咗自然療法三年，去年拍《心戰》時的她終回復索樣，身形變番昔日的曲線。
殘爆 2009
開始聽男友勸諭積極調理身體，但仍身體腫脹，未回復狀態。
拍回春見證
「 Maggie以前有頸椎弧度唔正常嘅問題，加埋情緒緊張，令佢長期頭痛、失眠、眼乾、情緒好唔穩定，荷爾蒙亂晒，幾年前開始接受顱底治療（自然療法一種），又食草本藥去肝火，先搞番好身體。 Maggie開心到 喺網上做 咗個回春見證，話以前 啲醫生只係一味叫佢食止痛藥，治標唔治本。」知情者說。
搞番好身體，又回復光彩，開心到爆的邵美琪唔介意在網上講回春見證，大爆當年她被失眠、頭痛的折磨心情。
早前邵美琪偕男友施祖男一起出席首映，一臉容光煥發的她，拼埋年輕 9年的男友，外形沒有被大拋離。
法國讀書
○八年接拍杜琪峯的《機動部隊──同袍》同施祖男撻着，拍拖四年，雖然男友名氣不及自己，但仍毋損二人發展。
「雖然 Vince搵錢唔多，但人好細心，成日煮 嘢俾 Maggie食，陪佢睇醫生，將女友健康照顧得妥妥當當，佢雖然係打仔出身，但佢 喺法國讀過書，法文同英文都好流利，依家傾緊一部法國片，如果事成會同《閃亮人生》個黑人男主角 Omar Sy合作。」
星級診所
邵美琪光顧的自然療法診所，每次診金由五百至八百元不等，除邵美琪外，星級客仔還有她老友黃德斌、陳敏之，另外長春米雪也是熟客之一，在診所有她送上的牌匾！
法國仔
留言列表
{{ article.title }}
