我阿媽都唔認得！（設計對白）
女星整容唔係新鮮事，只係估唔到得 嗰三十八歲 嘅鄧健泓都咁貪靚，冇 咗眼紋同眼肚，鼻翼位收窄埋，回春兼硬膠。
同你吟一吟
鄧健泓縮鼻走眼袋
上個禮拜四（九月六日）無 綫新劇《初五啟市錄》舉行試造型記者會，現場焦點係男女主角陳錦鴻同郭羨妮，前者因為要照顧患有語言障礙 嘅仔仔而停工，家陣情況有明顯改善，陳錦鴻可以安心重投工作崗位；至於郭羨妮，有傳佢老公朱少杰無錢養家，搞到老婆要出番 嚟賺奶粉錢，佢話老公唔知呢單報導，兩公婆亦唔會成日講錢。
可憐天下父母心，不過八珍只係留意鄧健泓，因為佢成個樣都唔同晒。對番舊照，鄧健泓以前眼肚魚尾紋樣樣齊，仲有個上窄下闊正宗蒜頭鼻，家陣眼紋冇晒，眼肚移平，鼻翼位收窄，三管齊下，整容女星見得多，鄧健泓算係開男星換面先河。
聽講打 botox可以二人同行一人收費，不過女友龔嘉欣冇參與，睇番佢以前有線做足球台個樣，五官冇變，只係將開罅門牙（箭嘴）箍番埋！
郭羨妮唔認拍劇搵奶粉錢，同老公朱少杰講心唔講金，仲打算下年生多個之後封肚，兩個夠晒數！
為 咗照顧患有語言障礙 嘅仔仔，停工一年 嘅陳錦鴻終於復工拍劇，仲話仔仔而家讀書同溝通都有進步，無須入讀特殊學校，心情靚晒。
全站熱搜
留言列表
{{ article.title }}
