向來不煙不酒的張達明，今年六月帶病現身劉德華的歌迷聚會，明顯面色較灰黃。
中藥出事
鼻咽癌三期 張達明洗血排毒
開始擴散
去年十一月，張達明經診斷後，於左邊鼻發現一個近三厘米的腫瘤，化驗後證實患有第三期鼻咽癌。
「其實達明彩排嗰段日子已經覺得唔妥，成日耳鳴、鼻塞，仲會無端端流鼻血，初時以為只係普通鼻炎，捱到個 show完咗先去睇醫生，一照先知出事，醫生話個瘤已經開始有擴散跡象。」張達明身邊人說。
患癌消息傳出後，達明即在微博報平安，相中達明戴住 cap帽，雖消瘦了，但精神唔錯。
雖身患重病，但性格樂觀的張達明仍貫徹幽默，指自己中了金屬毒，「厲害過鋼鐵俠」。
報平安
出道超過廿年，達明去年首次踏足紅館舉行棟篤笑，諷刺曾蔭權、曾俊華及林瑞麟一眾高官，大受好評。
得知患癌後，張達明即時將手頭上所有工作全面急停，謝絕應酬，專心對抗癌魔。其間，張太何念慈更四出尋求抗癌藥方。
「過去九個月，達明幾乎試盡所有方法，除咗定期做化療、電療之外，佢老婆又幫佢搵咗好多偏方，睇中醫、食中藥、針灸，乜都試齊！結果又因為食中藥出事，其實醫生一早提過，唔建議佢哋中西合璧，話咁樣好易出事。」 
去年十一月，達明演出三場舞台劇《花心大丈夫 2》，彩排期間，達明身體已亮紅燈，不時耳鳴、鼻塞，甚至流鼻血。
患癌消息傳出後，積極的張達明一連發出多條微博報平安，並感謝朋友及網友鼓勵，還自嘲為「鉑金俠」。
「化療過程令我重金屬中毒了……是『貴』重金屬鉑金（註：應為金鉑）！體內比常人多六十三倍！現在出街食飯忘記帶銀包也無問題，隨便抽兩滴血便夠埋單了……鉑金俠可能厲害過鋼鐵俠！」
嘔到脫水
據了解，已完成第一階段化療的張達明進展良好，還要定期到醫院接受血管清洗，將體內的鉑金毒排出。
「佢個病已經係中期，所以電療同化療同時進行，化療最辛苦係嘔同冇晒胃口，試過嘔到脫水，要入院吊鹽水，不過而家已經停咗化療，呢個月定期去洗血，排番身體入面啲毒出嚟，醫生話要睇情況，再考慮進行第二階段嘅化療。」知情者說。
四十八歲的張達明與做心理學家的何念慈結婚十一年，誕下一子一女，得知達明患病後，何念慈四出為丈夫尋求抗癌藥方。
廿四孝老豆張達明，早前被拍得帶住一對仔女睇羽毛球比賽。
除了棟篤笑、主持、舞台劇，達明更參演過近一百部電影，當中以喜劇居多。
患病後深居簡出的達明，今年六月專誠出席好友劉華的歌迷聚會，劉華更預備定蛋糕預祝達明生日。
七成根治率
鼻咽癌是香港第七號癌症殺手，早期病徵並不明顯，病人發現時已屬中期，須同時間接受電療及化療，根治率只有七成。
根據臨床腫瘤科專科醫生表示，張達明在化療期間體內的金鉑（ Platinum）嚴重超標 63倍是罕見例子。
「金鉑類其實可以應用喺多種癌症，係一種金屬化學藥物，用嚟阻斷 DNA合成，抑制腫瘤生長，病人化療嘅時候體內金鉑超標係正常，但如果超出六十三倍就好少有，都有可能係佢冇跟醫生吩咐，亂食其他藥物先會咁。」
金鉑類的副作用會令病人腎功能受損，造成手腳麻木、聽力受損、味覺改變及經常嘔吐等情況，不可忽視。 
留言列表
{{ article.title }}
