國台扮
陳柏霖輸品輸票房
說話有骨
由隋棠、溫昇豪主演 嘅台灣電影《犀利人妻最終回：幸福男．不難》，話咁快票房已經上到 1.3億台幣。兩位人妻男主角溫昇豪、宥勝，票房過 2,000萬馬上遵守承諾公開男男吻謝票，嘴足 30秒換 咗三個唔同體位，第二日報紙大字標題，不過唔係讚票房，而係大特寫宥勝嘴完溫昇豪出現超級生理反應 嘅下體。宥勝性向再次成疑，溫昇豪幫手澄清：「代表他身體正常，我也有魅力。」
同《犀利人妻》同期上畫 嘅另一套台片《 BBS鄉民的正義》，票房雖然輸一截，不過都有 5,000萬台幣。男主角陳柏霖其實雖敗猶榮，不過佢條氣似乎好唔順，公開批評男男吻謝票係「奇怪現象」。
就係呢一幕「動 L」，有傳溫昇豪怕 咗宥勝，改圖網友更自製《幸福男男．不難》暗寸。
新招急停
之後陳柏霖出席公開活動，記者逼供要佢再為「奇怪現象」解畫，原本怕講多錯多，之後又忍唔到口：「有幼稚園小孩的家長，他們也說小朋友看到，問媽媽這是什麼意思，我沒說他們不健康，可是我們一定有方法可以回饋更多粉絲。」
陳柏霖把口話反對洗腦男男吻，不過之前幾日有記者問佢會唔會男男吻慶功，當時佢話「不會介意」，事隔幾日居然兜個大圈話人教壞細路。
一句到尾，洗腦男男吻的確過 咗火位，所以《犀利人妻》原本話票房破億，隋棠會幫兩位男主角浸浴擦背，但為怕兩王一后共浴再遭圍插，電影公司最後決定撤回洗澡方案！
《犀利人妻》女主角隋棠原本公開浸浴謝票，當知道外間反對聲音不斷，隋棠回應盡量避重就輕：「批評一定會有，虛心接受。」（台灣《蘋果日報》圖片）
兩王一后擦背共浴謝票取消，改為傳統破冰儀式，當日有份示範男男吻 嘅溫昇豪，言語間有啲後悔：「有的東西玩得太多，會失焦。」（台灣《蘋果日報》圖片）
上個月尾陳柏霖公開話唔介紹效法男男吻謝票，但過多幾日就批評人哋係「奇怪現象」，前後矛盾。
全站熱搜
留言列表
{{ article.title }}
