關心妍晒 22吋蜂腰
關心妍（ Jade）近日密鑼緊鼓籌備本月 20日在紅館舉行的「關心妍 Jade Sings演唱會 2012」，昨日她在尖沙嘴排舞室綵排，當她除去羽絨後即展露瘦身成果 22吋纖腰，她笑指還未滿意，現在開始吃多些令上圍豐滿點，務求身形更弗線條更靚。
再影結婚相
Jade擁有有史以來最弗身形，連老公也讚不絕口，她說：「老公都想一齊練，不過冇乜進展，仍然係兩嚿，我諗住唱完演唱會後去影多輯結婚相，暫定係東南亞地方，若果老公減唔切，就畀塊樹葉佢遮吓。」她透露今次騷腰見記者要先讓老公過目，演唱會服飾還未落實，會以水或輕飄飄感覺為主，她說：「家每晚八點幾都喺屋企開騷唱幾個鐘，模擬開騷，唱完之後就會有啲失眠緊張，但最緊要係唔好病。」採訪、攝影：馬建華 
關心妍昨日綵排演唱會時，大晒 22吋纖腰。\n
關心妍練成22吋腰老公流口水
關心妍昨日綵排紅館個唱，穿上露腰裝騷纖腰，還爆老公見其苦練成果後不禁讚嘆，心思思一齊練！
即將舉行紅館個唱的關心妍（Jade），昨日穿露腰裝進行綵排，大騷苦練成果。練出四舊腹肌的她坦言每日做200多下Sit Up，故有大突破：「依家有22吋腰，係有史以嚟最幼！依家見到有啲腹肌成形，但最理想係有六舊！」Jade還踢爆老公見其腹肌也感羨慕，問到會否叫老公一齊操？她說：「我有叫，佢依家考慮緊！」身形甚佳的她坦言想影多次結婚相：「唔知自己Keep到幾耐，要留倩影做紀念，希望老公練得切！」
晚晚開騷練習
歌衫方面，Jade透露屆時會以透視裝上陣，更會跳貼身舞，她指老公明白事理，不會呷醋。為進入最佳狀態，她透露每晚都會模擬開騷一次：「依家晚晚由8點幾唱到11點，等自己習慣吓。」
音樂組
關心妍地獄式苦練22吋纖腰，將於個唱大派用場。
關心妍與男舞蹈員跳貼身舞！
關心妍fit爆想影婚照
關心妍（Jade）昨日為演唱會進行綵排，露腰上陣的她大騷22吋纖腰。Jade已操練到有腹肌，但仍未覺最理想：「希望到時操到有六舊腹肌！」現在身形甚fit的她想再拍結婚照：「結婚嗰時好瘦，但冇肌肉，唔知自己個身形keep到幾耐，都想留倩影，但都要老公練到肌肉先。」個唱已綵排得七七八八，每晚她會模擬開騷，讓自己進入個唱狀態。個唱中會有貼身舞，Jade說老公不會呷醋：「佢好明白，同埋得一part，佢頂得順。」
留言列表
{{ article.title }}
