鄭嘉穎去年尾憑內地劇《步步驚心》及奪得三料視帝爆紅，成為中、港兩地搶手貨，一集電視劇酬勞高達 25萬。電視圈撈得掂，他更心雄食住個勢出唱片踩紅館。

日前鄭嘉穎被發現偕樂易玲密會英皇高層吳雨，可惜其如意算盤未必打得響。據知早已在英皇坐穩的林峯，為防嘉穎搶食，早前曾向樂易玲施壓。收到風的鄭嘉穎為圓歌星心願，惟有主動?搵好拍檔胡杏兒幫拖傾入 Neway，避免與林峯正面對撼。


我做棒球小子時你都未入行！（設計對白）
你 chok贏我先講啦！（設計對白）
《 FACE》圖片


06年，鄭嘉穎遭戴思聰追債，劉家昌出手幫助，更收鄭做徒弟，同年劉開演唱會，鄭嘉穎掹車邊首度踏足紅館獻唱。

近年無綫紛紛安排旗下藝人北上拍劇，藉以抬高身價，一班小生花旦轉戰內地，輕鬆加價 30%以上。鄭嘉穎是較早加入搵人仔的小生，去年他赴橫店半年拍內地劇《步步驚心》飾演大配角「八阿哥」。劇集去年九月播出時，他已開始爆紅，乘機由 16萬加至 25萬人民幣一集，加上年尾他再奪無綫「視帝」，迅速成為中、港兩地商場騷新貴，騷價企硬 25萬，力壓陳豪，暫時冠絕 TVB。

眼紅林峯踩紅館

捱咁耐終於有回報，醒目的嘉穎亦趁得寵乘機向樂易玲落嘴頭，希望公司替他傾唱片公司。據知歌手出身的鄭嘉穎一直恨再出碟，眼見同是已故老師戴思聰門下的師弟林峯在樂壇發展如意，又開過兩次紅館演唱會，更是「亞太區最受歡迎男歌手」，難免眼紅。樂易玲向來錫嘉穎錫到 燶，日前便親自出面，帶埋嘉穎去見英皇高層吳雨密會，替愛將嘉穎傾條件。其間鄭嘉穎開出兩大附帶條件簽約唱片公司，第一是首張唱片內一定要包含國語歌，以便開拓內地市場；第二是今年要進軍紅館，以圓多年心願。

不過傳出鄭嘉穎入英皇消息後，林峯曾為此事有微言，知情者透露：「阿峯梗係唔想嘉穎入英皇，變相又多個山頭，削弱自己地位嘛！佢仲搵過樂小姐，好關心咁問嘉穎同英皇傾唔傾得成，阿峯咁緊張，樂小姐點會唔知佢點諗？所以樂小姐依家都十五十六。」

忟憎避「峯」頭


一直恨再出唱片的鄭嘉穎，得樂小姐悉心扶持安排入英皇，但他卻忌與林峯正面較量：「你唔好將我哋比較啦！」表現忟憎。


胡杏兒對朋友甚講義氣，出手幫拖但卻不領功：「你……都係問番佢自己啦！」

Neway暫無意收留

林峯向樂易玲施壓，收到風的嘉穎對入英皇只抱觀望態度，他深知英皇粒粒巨星，即使成功入英皇，能分到的宣傳資源都不會多，發圍並不容易。因此鄭嘉穎近日主動找合作拍《怒火街頭》，素有兩句的胡杏兒搭路，請對方出面跟自己所屬的唱片公司 Neway Star洽談。現時 Neway的一線歌手只得張智霖一個，若然鄭嘉穎成功加入，要做一哥也容易得多。

日前，本刊就幫鄭嘉穎搭路一事訪問胡杏兒，她思考了數秒才笑笑口答：「不如……你問番嘉穎啦！佢自己答好似好啲喎！」

對於有機會跟林峯比拼、及胡杏兒出手幫拖，鄭嘉穎卻不耐煩說：「點解要將我同林峯比較！傾唔傾，傾邊間， TVB會幫我做 㗎啦，唔需要擔心，總之有嘢公布時就會公布， ok？」鄭嘉穎封口，樂易玲則承認一切在洽談階段：「嘉穎一直都想唱番歌，總之係佢演出嘅劇集，我哋都會安排佢唱主題曲，好似嚟緊播嘅《拳王》咁。至於出唱片唔知今年得唔得，因為佢忙到連錄音時間都冇，但簽邊間公司就唔講得住。」

Neway Star的行政總裁黃健豪則直言對鄭嘉穎甚有興趣：「佢依家人氣咁盛，公司好有興趣，不過佢好忙，要詳細去傾都唔係一時三刻。」


當年林峯加入英皇，全賴樂易玲出面向高層吳雨推薦，今天她以同樣方法推薦另一愛將鄭嘉穎。《蘋果日報》圖片

去年十二月台慶頒獎禮上，一直被指演技差的鄭嘉穎和胡杏兒雙雙雪前恥，奪視帝、視后，私下亦互相扶持。
去年十二月台慶頒獎禮上，一直被指演技差的鄭嘉穎和胡杏兒雙雙雪前恥，奪視帝、視后，私下亦互相扶持。

棒球小子唱唔掂

92年鄭嘉穎簽約恩師戴思聰旗下，並塑造成「棒球小子」形象加入樂壇，簽寶麗金唱片。 96年他與戴鬧意見，並偕當時女友王馨平赴台發展，多年來共出過 8張唱片，全部銷量只幾千。

鄭嘉穎初出道第一張同名專輯，一臉稚嫩，傳聞唱片銷量只有八千。
93年
初出道第一張同名專輯，一臉稚嫩，傳聞唱片銷量只有八千。

鄭嘉穎雖然處男碟銷量一般，但鄭嘉穎翌年依然有出碟，但銷量只得六千。
94年
雖然處男碟銷量一般，但鄭嘉穎翌年依然有出碟，但銷量只得六千。

鄭嘉穎06年在無綫翻生，並首奪視帝，得環球接收，打蛇隨棍上出碟，銷量僅僅五千。
06年
06年在無綫翻生，並首奪視帝，得環球接收，打蛇隨棍上出碟，銷量僅僅五千。

鄭嘉穎同年出完新碟再出張新曲+精選，但銷量仍不過五千，暫離樂壇。
06年
同年出完新碟再出張新曲+精選，但銷量仍不過五千，暫離樂壇。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄