8月尾離港前，已有身孕的思琦把多年長髮剪短，還刻意穿上黑色鬆身衫遮肚，阿媽則傍實大肚婆。《蘋果日報》圖片

楊思琦最近被周刊拍到匿藏美國秘密佗仔，腹大便便的她，據知已有八個月身孕，預產期在二月。
據思琦密友爆料，早前思琦與吳帥，因為結婚酒席的問題談不攏，反面收場，雙方更冷戰了三個月。而日日以淚洗面的思琦，更打算要仔唔要佬，待生完 後返港復工，獨自撫養。
吳帥亦知衰，早前連環電話攻勢箍煲，終於令思琦心軟見他，但觀乎思琦對吳帥黑口黑面的態度，男友翻箍似未成功。被李家鼎講中「上錯賊船」的楊思琦，真係有排慘！

去年 6月，已經珠胎暗結的楊思琦，開記招哭訴與李泳豪分手，當時她言之鑿鑿話自己冇大肚。不過，近日卻被周刊踢爆匿藏美國秘密佗仔。楊思琦不但成為「未婚媽媽」，亦成為「大話媽媽」，形象插水。被飛的李泳豪愁爆，但將臨盆的思琦亦一樣有苦自己知。
近日周刊拍到楊思琦腹大便便的照片外，還影到她對吳帥黑口黑面。原來，兩人曾冷戰三個月，沒有見面。楊思琦曾向密友呻爆︰「唔想同呢個男人（吳帥）結婚，個仔我自己都有能力養，唔見得佢幫到幾多！」

 

放大圖片
 

近日有周刊登出吳帥到 L.A.探思琦的圖片，但思琦平日深居簡出，令她懷疑是有人放料。

放大圖片
 

吳帥（中）成功搭上思琦，主要原因是他行外母政策，成功到思琦媽（右）；而思琦媽當時亦深信吳帥是金龜婿，誰知令女兒誤上賊船。《壹週刊》圖片

男方唔願擺酒

原本，大住肚的思琦打算明年年中補擺喜酒，但在港住 劏房兼欠房租的吳帥卻闊佬懶理，以為有「肚」揸手，思琦就冇得郁。吳帥思琦婚禮要低調搞，又提議去拉斯維加斯註冊，形象冇咁差；但思琦好傳統，唔想靜雞雞嫁兼生仔，她曾向友人呻，指吳帥不負責任，所以早前她毅然獨自赴美國待產，連地址都沒告訴吳帥。儘管對男友心淡，但思琦卻從沒想過墮胎。
一心諗住「要仔唔要佬」的楊思琦，打算坐月後便會回港工作，獨自撫養自己的骨肉。「思琦都唔細，近年好想生仔，但佢同施明關係好差，豪仔又搵唔到錢搬，加上思琦媽又推波助瀾，咁思琦咪中 咗吳帥招囉。佢依家都好後悔，日日以淚洗面，我 哋都勸佢唔好咁唔開心，怕佢會動胎氣。」
一向識行外母政策的吳帥，因為碼得住思琦媽，獲她在思琦面前為自己講好說話，早前終於被批准去美國探女友，但思琦身邊所有朋友及同事，都異口同聲叫思琦要諗清楚至嫁。

 

四圍出騷搵奶粉錢

有意「要仔唔要佬」的思琦，為了自己及 BB儲定日後使費及奶粉錢，只好趁見肚之前密密做，就算是中港四圍騰，甚至被麻甩佬攬實抽水亦冇計，陰功！

 

放大圖片
 

去年 9月，思琦在九龍灣出席品牌頒獎禮，當時她仍堅稱自己未有身孕，還穿上高踭鞋掩飾。《壹週刊》圖片

放大圖片
 

去年 7月，思琦不顧粗身大勢到深圳登台，不但拋胸冧客，更被主辦商上台攬到實一實。

致電豪仔訴苦

「我哋成班朋友都對吳帥好反感，覺得佢唔係好人，又撐思琦唔一定要局住嫁，冇男人都可以湊大個細路。思琦始終都係鍾意豪仔（李泳豪），不過佢阿媽係咁推個女俾吳帥，思琦又耳仔軟。佢呢幾個月都有打過俾豪仔訴苦，但豪仔好口密，唔認接過思琦電話。」
記者致電李泳豪，他十分避忌說︰「我冇同佢講過電話，同佢做番朋友冇問題。（咁接唔接受到佢有個小朋友？）呢 啲唔講 嘞！真係畫上句號。」
據知，大肚相出街後，無 綫經理人 Pansy曾致電鬧爆思琦，思琦隨即打電話俾樂易玲認錯兼「耍冧」。雖然大大鑊，但無 綫念在思琦一直都是乖乖女，網開一面，加上思琦仲要搵奶粉錢，所以都會為她繼續安排工作。
記者致電樂易玲，指出思琦佗仔唔開心，亦唔提結婚，樂易玲回應也有弦外之音︰「以一個女性 嚟講，有自己 嘅骨肉係好偉大。呢個年代，女性唔一定要結婚至生仔，只要有足夠 嘅愛，足夠 嘅金錢，我好相信佢做得到。思琦係個好顧家 嘅女仔，我叫佢咩都唔好諗，有 咗 BB要更加開心。一世流流長，慢慢揀囉。之前佢放大假放到一月，依家再請多兩個月 no pay leave（無薪假），三月底會復工。」

 

放大圖片
 

李泳豪收入不多，未能給思琦安全感是兩人分手表面原因，但其實思琦和泳豪母親施明一直相處不來，才是兩人分手主因。

放大圖片
 

李泳漢同施明對思琦諸多不滿，泳漢更向傳媒爆料，指思琦曾用粗口鬧施明，證明兩人關係惡劣。《蘋果日報》圖片

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄