聖劍 Online 封測逼爆伺服　聖劍英雄大亂鬥－娛樂八掛大放送★

台灣人氣作《聖劍 Online》終於登陸香港！嗰邊 Peak Hours三萬人在線視作等閒；香港封測一開始，首個鐘千餘名額瞬即爆滿，據知仲有五個伺服器月內開放，想極速上手、開波馬上做《聖劍》達人，就要睇我哋攻略心得！記者：許福合

兩大陣營　歸邊無偈傾放大圖片

同好多網遊一樣，《聖劍 Online》安裝程式都可從官網免費下載，啟動遊戲後，就會見到伺服器登入選單；封測期間只開咗一個「聖陵之殿」，網友全在同一「天空」下，所以都幾人滿為患，新手區尤其多人，在人多嘅村落內，甚至會有少少 Lag，雖然係咁，玩網遊同行街一樣，都係要熱鬧、逼吓先過癮！選擇角色，仲要先選陣營，《聖劍 Online》分別有「聖殿聯盟」同「征服領域」兩大陣營；各自有 9種職業可供選選，角色造型各有特色，不過最重要係兩大陣營係敵對狀態，不能交談、組隊同交易，甚至連故事發展都有不同方向，所以要同朋友一齊玩，記得要揀相同陣營喇！

放大圖片
■封測時只提供一組伺服器，人相當多。

■封測時只提供一組伺服器，人相當多。

放大圖片
■性感嘅雅典娜，係遊戲中我嘅最愛！

■性感嘅雅典娜，係遊戲中我嘅最愛！

放大圖片
■呢位貓劍客喺度擺款，其實好易打。

■呢位貓劍客喺度擺款，其實好易打。

放大圖片
■間中會加插過場動畫，質素唔錯。

■間中會加插過場動畫，質素唔錯。

戰棋式作戰

完成角色設定，就會進入新手教學關卡，可以從新手村嘅長老手中分派到任務，從中還可了解到角色屬性、裝備，及輔助技能（如採藥），一開始解晒呢啲任務，好快就可以了解聖劍世界，而且經驗值都有唔少呢。此外，透過任務獲得貓劍客成為首個英雄拍檔，雖然這隻貓技能好流吓，不過隨住等級同故事發展，會出現史詩式英雄登場，如亞瑟王、聖女貞德、小飛俠、吸血鬼及亞歷山大等。之所以要搵英雄幫手，主要係戰鬥時會使用戰棋方式，每個角色在移動距離及攻擊方式都唔同，收集不同類型英雄，可以豐富戰棋模式時嘅作戰方式，而且喺危難之時，更有一擊扭轉劣勢嘅功用，都咪話唔神奇！

放大圖片
■貓劍客會係第一個拍檔！