娛樂八掛大放送★

唔好以為商用客貨車改款唔關你事， Mercedes-Benz 2011年 Facelift新版 Vito換面改罩加玻璃，外形同 Viano不遑多讓，但售價平一半有多，最重要係香港越來越多私家車禁地，掛商用牌 Vito可橫行無忌殺入馬灣，夠暢快又方便的感覺，成功吸引更多人入貨去打 Golf。記者：許維雅攝影：梁細權Model： Betrys@GME

逐步趕走 Van味

近年發現商用客貨車越來越受歡迎，所講嘅唔係因為身邊越來越多朋友加入運輸業，只係好多人為咗健康搬入馬灣及愉景灣呢啲私家車禁地，唔少人立刻有衝動買番架客貨車傍身，突然需要用車時都就手方便得多！好似向來講求豪華舒適的平治 Vito，就成為近年馬灣友至愛。全新 2011年 Facelift版的改動，包括換上平治家族面譜的三間電鍍鬼面罩、全新設計跟車身同色的車頭泵把、追加電控的兩側趟門等，最大目的當然係趕走 Van味。代理更醒目地將兩側車尾窗換上玻璃然後密封，既可以通過運輸署安全測檢之餘，又可令外觀上更似平治 SUV七人車 Viano。配備方面，不但可以加天窗，畀多$9,800的升級版，仲有埋跟車身同色的側鏡指揮燈及 Bi-Xenon燈連 LED日間燈組合，試問仲有邊個會話佢似貨 Van？終於可以一嘗揸車入馬灣的滋味，第一次的挑戰永遠叫人興奮，不過要提提大家，客貨車出入馬灣的開放時間只限每日上午 10時至下午 4時，入閘時要畀$40。

放大圖片

■一家老老嫩嫩去馬灣挪亞方舟玩，趟門上落夠方便。

放大圖片

■一個四呎立方體的大尾可以載貨亦方便野餐。

放大圖片

■尾廂有電掣及杯座，方便車主改裝成旅行車。

放大圖片

■ Power Steering轉向系統的操控，與私家車相同。

放大圖片

■兩側電趟門及冷氣按鈕的中控台，豪華級數勝過多款貨 Van。

放大圖片

■座位與尾廂中間的纖維隔板可改為摺合隔網，增加靈活性。

四月前扣稅$23,000 放大圖片

依然覺得唔關你事，咁就錯喇！假日可以揸車暢通無阻殺入馬灣及愉景灣，放低一家大細欣賞風景嘆個午餐，你話幾爽！最重要係價錢夠吸引， 30萬元的車價平 Viano一半有多，跟日本貨 Van價錢相差不遠。何況 Vito有政府的環保車退稅優惠，可以扣減約$23,000，約 28萬的車價確實抵玩，但優惠暫時只會到 3月 31日， 4月前出車最穩陣。再者，重新調校過底盤及強化吸震的改良措施，行車寧靜及懸掛舒適不比私家車遜色，而 2.2公升柴油引擎所輸出的馬力亦輕微提升了 10匹至 163匹，令起步更爽快，而平均耗油每百公里亦只需 8.1至 8.4L，計番約$10/L的柴油價，每公里都係約$0.8。牌費油費都平過私家車，加上 5,008× 1,906× 1,902mm長闊高的龐大車身，內櫳坐得舒適，且全碟頭尾迫力連 ABS及 ESP等安全配備又確保安心，絕對係假日郊遊的不錯選擇。

Vito 116 CDI規格

引擎： 2,143cc直四柴油馬力： 163hp/3,800rpm扭力： 360Nm/1,600-2,400rpm傳動：五前速自動波售價：$305,000（未扣除環保稅價格）查詢： 2895 7248（仁孚行商用車部）

另一禁地：愉景灣 放大圖片

香港另一私家車禁地愉景灣，一樣可以揸客貨 Van進入，開放時間為早上 9時至下午 6時，但愉景灣隧道及連接道路收費就貴好多，需要$120，而且規限亦較多，不過聽經紀哥哥講，依然有唔少客人買架 Vito揸入去打 Golf保私隱。規限詳情：http://www.hkri.com/icms2/template?series=71&article=620


■揸住部商用牌 Vito可以橫行無忌周圍去，包括私家車禁地馬灣。