娛樂八掛大放送★

谷歌上代部 Nexus One推出無耐就停產，勁無癮！今次換畫 Nexus S、水貨新返，轉咗跟 Samsung合作，配搭光猛靚色 Super AMOLED芒，系統更由 Android 2.2升呢 2.3，仲要有中文顯示！矜貴咗？梗係，事關數量唔多，出街即炒上六千，幾乎係上代一個 Double！記者：陳國輝攝影：伍慶泉Model： Mangie@ZModel

其他副刊影片 4"弧形芒　日頭仲 Sharp

驟眼睇，佢似唔似上代 Nexus One？既然屬同一系列，物有相似都好正常！ Nexus S比上代最大分別係屏幕用料唔同咗，以前用嘅係 3.7" AMOLED芒，而今次就改為 4"Super AMOELD，除日照環境下顏色較鮮艷，可視角度仲加大咗，即係話烈日陽光照射下同樣玩得咁爽。不過用料啱唔啱心水，呢樣就見仁見智！例如上代金屬感較高，拎上手比較冰冷，而且有份量；相反， Nexus S外殼只係用焗漆鋼琴黑製造，雖然拋光更靚，睇落 Grand啲，但容易印手指紋之餘，手感亦輕飄飄，似乎又未必人人鍾意。

放大圖片

■前置鏡頭具備 Video Call，像素有 30萬。

放大圖片

■如果 NFC能應用到八達通，買嘢就更方便！

玩嘟卡　本港未用得

睇完部機 Spec，你肯定會追問：「 Android 2.3有乜新分唇？」講到最矚目，當然係 NFC（近距離無線通訊）技術，玩法類似本港八達通， Nexus S本身已內置一塊超薄芯片，你只需喺近距離（ 10cm以內）接觸商店嘅感應器，手機就會變成電子錢包並進行交易，令購物更方便。早前 NFC曾經被瑞典某酒店作實驗試用，變做一條手機「門匙」；另有傳聞話，新 iPhone也將引入呢項技術， NFC會否 Hit起就未知，但香港暫時未玩到就係事實。

Details Check 放大圖片

■機殼內藏 NFC晶片，驟眼睇仲薄過八達通，可惜香港唔用得。

放大圖片

■提供 3.5mm插口，用跟機 Samsung耳筒試聽效果唔錯！

放大圖片

■要求唔高， 500萬像素 CMOS鏡頭，搭補光燈應該幾夠玩。

新舊 Nexus拼一拼 放大圖片

放大圖片

■由 3.7"升呢 4"，大咗近一成。

放大圖片

■由金屬變做焗漆，重量偷輕咗 1g！

放大圖片

■ Nexus S（上）機身形狀呈少許弧形。

現場實試隨時睇片 放大圖片

改用 Super AMOLED芒，不單止日照下睇得舒服，可視角度亦加大，搭車行街都唔使就住就住！

上網激快 放大圖片

雖然都係配 1GHz處理器，但嘗試上《蘋果》網，感覺比同級智能手機更順暢，放大縮細全無窒格。

Profile

系統： Android 2.3處理器： Cortex A8 1GHz CPU制式： WCDMA/GSM四頻體積： 123.9× 63× 10.88mm重量： 129g屏幕： 4"Super AMOLED芒通話時間： 840分鐘備用時間： 712小時主要功能：內置 16GB容量、 NFC技術、 500萬像素相機連補光燈、視像通訊、 3.5mm耳筒、 Wi-Fi、 HSDP傳輸技術查詢：科技電訊（ 2691 1188）