機場拍拖周二（ 15日）約下午 5點， Gaile同 Cuz喺峇里機場出現。唔好以為 Gaile掛住玩電話呀，目擊者就話佢哋好 sweet，有講有笑。
媽咪姐
老外 Cuz峇里送機 樂基兒冧爆返港
Gaile同新歡溺愛咗一年，二人繼續煙韌。周二（ 15日），有讀者目睹 Gaile同 Cuz現身峇里機場，原來 Gaile呢日要返港逗留一晚，翌日再飛美國探父母。 Gaile要暫別峇里陽光與海灘，難怪男友 Cuz親身送機，珍惜離別前一分一秒。
同日午夜， Gaile單拖返港，媽咪姐當然踩入香港機場搵佢傾下偈。佢話：「今日都好夜，班機都遲咗三個鐘，所以都好攰。（邊個喺峇里送你機？）司機……司機接我機！（男友送你機喎！會唔會公開？）我好攰， bye bye！」
Gaile雖然口口聲聲話攰，但全程冧笑，搵到真愛嘅人係零舍開懷啲！
instagram爆戀情勾番大家記憶先！ Gaile同 Cuz（黃圈）戀情被揭，全靠呢張由 Cuz喺 instagram發放嘅經典合照。 
準備 check inGaile所搭航班終於可以 check in，於是佢就單拖搞手續，男友喺附近𥄫實。 
幫手拖喼之後 Cuz送埋女友去閘口，仲幫手拖喼，幾有風度呀！
男友已經遠在千里， Gaile到港後惟有自己拖喼，其間佢仲對媽咪姐笑晒口㖭！雖然 Gaile衣着樸素，但佢孭住嘅 Chanel手袋（小圖）都值 3萬幾㗎！ 
最後 Gaile上七人車返回葡萄園老友屋企。上車嗰刻，佢施展《本能》式夾腿，擺明益街坊。 
拜託你哋唔好咁高調！（設計對白）
全站熱搜
留言列表
{{ article.title }}
